Að velja hugsunum sínum... - almaogfreyja.blog.is

Heimsóknir

Flettingar

Í dag (3.5.): 3
Sl. sólarhring: 3
Sl. viku: 29
Frá upphafi: 114163

Annað

Innlit í dag: 3
Innlit sl. viku: 29
Gestir í dag: 3
IP-tölur í dag: 3

Uppfært á 3 mín. fresti.
Skýringar

Höfundur

Alma Guðmundsdóttir og Freyja Haraldsdóttir

Velkomin á síðuna okkar!

„ÞAÐ eru forréttindi að lifa með fötlun,“ er ögrandi fullyrðing sem Freyja Haraldsdóttir setur fram í bókinni Postulín sem hún skrifar með vinkonu sinni Ölmu Guðmundsdóttur. Fullyrðingin hljómar glannalega enda efaðist Freyja sjálf um hana. Og þó – oft felur sannleikurinn sig í því sem sýnist vera öfugmæli. Fullyrðingin er hugarhögg því hún kemur róti á hefðbundnar skoðanir – en reynist rétt vegna þess að Freyja hafði tekið ákvörðun um að vera hamingjusöm og hún vill einnig hjálpa öðrum til að sjá leiðina til hamingjunnar. Sársaukinn hefur verið skuggi Freyju frá fæðingu því hún fæddist með genagalla (OI) sem veldur því að bein hennar eru svo viðkvæm að þau geta hrokkið í sundur af litlu tilefni. „Ég var sú eina á Íslandi með OI á svo al varlegu stigi og því var engin reynsla af tilfellum eins og mínu.“ (48). Flestir gera tilraun til að feta vænlega slóð í lífinu til að höndla hina eftirsóknarverðu hamingju en slóð Freyju kostaði strit, puð og púl. „… upp á hvern einasta dag legg ég mig fram um það verkefni. Suma daga er það leikur einn og gengur eins og í sögu, en aðra daga þarf ég að beita öllu mínu hugarafli til að skrika ekki fótur og detta ofan í holuna.“ (235). Bókin Postulín á erindi til allra sem leita hamingjunnar því hún er vitnisburður um einstakling og fjölskyldu sem tekst með einstökum hætti að sigrast á mótlæti. „Ég er manneskja, ekki bara fötlun,“ segir Freyja og bendir fólki um leið á skylduna að gera ávallt greinarmun á persónum og þáttum sem valda mismunun. Freyja er góð fyrirmynd og því er áhugavert að kanna hver hennar fyrirmynd er, fyrir utan fjölskyldumeðlimi. Það er Martin Luther King Jr. og eiginleikarnir sem hann stóð fyrir: Staðfesta, fórnfýsi, hugrekki og réttlæti. Draumur Freyju er samfélag á mismununar. Sjálf gerði það sem hún átti ekki að geta og tókst að sigrast á fordómum allt um kring. Hún þorði að eiga sér drauma og nýta fötlun sína öðrum til góðs. Þess vegna er fötlun forréttindi. Freyja er óvænt hetja á skjön við hefðina. „Ég fæddist inn í heim sem gerir engan veginn ráð fyrir mér …“ segir Freyja sem brýtur glansmyndir og verður hamingjusöm með því að taka að sér þýðingarmikið hlutverk í samfélaginu.

- Gunnar Hersveinn, Morgunblaðinu

Nýjustu færslur

Eldri færslur

Bloggvinir

Að velja hugsunum sínum farveg...

20.8.2008 | 23:23

Hún Heiða vinkona er einn sá mesti snillingur í að grafa upp falleg ljóð og hittin spakmæli. Í nýjustu færslu hennar deildi hún neðangreindri setningu með lesendum:

We either make ourselves miserable, or we make ourselves strong. The amount of work is the same.

Þegar ég las þetta fann ég að mitt lífsviðhorf og markmið felast í nákvæmlega þessari setningu. Frá því ég loksins uppgötvaði, hægt og sígandi, að ég stjórnaði hugsunum mínum alfarið sjálf fór ég að taka í taumana á þeim og ala þær upp á ný – með aðstoð vegfarenda á lífsins leið.

Þó mikil vinna hafi falist á þessu endurskipulagi á hugsunum mínum, og geri enn i dag, skil ég með engu móti hvernig ég nennti að eyða orku í kolranga vegferð neikvæðninnar og biturleikans hér áður. Auðvitað ná flestir betri stjórn á hugarfari sínu með auknum þroska og víðari reynslu sem byggist upp með hverjum deginum. Því er líklega eðlilegt að börn og unglingar nái ekki í tauminn eða missi hann viðstöðulaust. Það sem slíkt er mikilvægt í raun og mannlegt, því þá kann maður betur að meta það að ná stjórn. Einnig er fólk eins og ég (var), sem þarf töluvert mikla hjálp við að ná jafnvægi og stjórn á hugsunum. Og það er mikilvægt að hægt sé að ganga að þeirri aðstoð vísri, hver sem hún svo er.

Eitt er að minnsta kosti víst, að það að gera sig hamingjusaman, sterkan og öruggan er vinnunnar virði. Hins vegar skilar vinnan við að berja okkur sjálf niður, vera óhamingjusöm og atvinnu- og helsti stuðningsmenn vandamála okkar ekki nokkrum sköpuðum hlut. Hið síðara er samt í raun miklu meiri vinna.

Ég velti fyrir mér hvort þetta quote mætti ekki fara í aðalnámskrá leik-, grunn-, framhalds- og háskóla. Þessi staðreynd er nefnilega ein af mörgum sem við öðlumst ekki endilega skilning á upp á eigin spýtur.

Þetta er að mínu mati staðreynd sem öllu fólki er hollt að meðtaka í rólegheitum frá upphafi ævinnar. Það hlýtur að spara okkur flestum gríðarlega vinnu.

Flokkur: Bloggar | Breytt s.d. kl. 23:31 | Facebook

Athugasemdir

Hæ Freyja,

Þessi orð eru góð og ættu alveg heima inn í öllum skólu, þar er ég alveg hjartanlega sammála þér.

Þú ert hetja stelpa.

Kærleikskveðjur Vilborg

Vilborg Auðuns, 21.8.2008 kl. 16:57

Þetta er bara frábær pistill hjá þér og algjörlega sannleikurinn.

Knús til þín

Dísa Dóra, 22.8.2008 kl. 09:17

Það er mjög mikið til í þessari setningu og einmitt segir hún svo mikið hvernig hægt er að lifa lífinu á þægilegan og góðan hátt í sátt við sjálfan sig og aðra.

Þetta er eitthvað sem ég ætla að reyna að tileinka mér meira.

Kv. Sigþrúður

Sigþrúður (IP-tala skráð) 22.8.2008 kl. 11:17

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Postulín

Efni