Jón og Sr. Jón

Heimsóknir

Flettingar

Í dag (3.5.): 3
Sl. sólarhring: 4
Sl. viku: 29
Frá upphafi: 114163

Annað

Innlit í dag: 3
Innlit sl. viku: 29
Gestir í dag: 3
IP-tölur í dag: 3

Uppfært á 3 mín. fresti.
Skýringar

Höfundur

Alma Guðmundsdóttir og Freyja Haraldsdóttir

Velkomin á síðuna okkar!

„ÞAÐ eru forréttindi að lifa með fötlun,“ er ögrandi fullyrðing sem Freyja Haraldsdóttir setur fram í bókinni Postulín sem hún skrifar með vinkonu sinni Ölmu Guðmundsdóttur. Fullyrðingin hljómar glannalega enda efaðist Freyja sjálf um hana. Og þó – oft felur sannleikurinn sig í því sem sýnist vera öfugmæli. Fullyrðingin er hugarhögg því hún kemur róti á hefðbundnar skoðanir – en reynist rétt vegna þess að Freyja hafði tekið ákvörðun um að vera hamingjusöm og hún vill einnig hjálpa öðrum til að sjá leiðina til hamingjunnar. Sársaukinn hefur verið skuggi Freyju frá fæðingu því hún fæddist með genagalla (OI) sem veldur því að bein hennar eru svo viðkvæm að þau geta hrokkið í sundur af litlu tilefni. „Ég var sú eina á Íslandi með OI á svo al varlegu stigi og því var engin reynsla af tilfellum eins og mínu.“ (48). Flestir gera tilraun til að feta vænlega slóð í lífinu til að höndla hina eftirsóknarverðu hamingju en slóð Freyju kostaði strit, puð og púl. „… upp á hvern einasta dag legg ég mig fram um það verkefni. Suma daga er það leikur einn og gengur eins og í sögu, en aðra daga þarf ég að beita öllu mínu hugarafli til að skrika ekki fótur og detta ofan í holuna.“ (235). Bókin Postulín á erindi til allra sem leita hamingjunnar því hún er vitnisburður um einstakling og fjölskyldu sem tekst með einstökum hætti að sigrast á mótlæti. „Ég er manneskja, ekki bara fötlun,“ segir Freyja og bendir fólki um leið á skylduna að gera ávallt greinarmun á persónum og þáttum sem valda mismunun. Freyja er góð fyrirmynd og því er áhugavert að kanna hver hennar fyrirmynd er, fyrir utan fjölskyldumeðlimi. Það er Martin Luther King Jr. og eiginleikarnir sem hann stóð fyrir: Staðfesta, fórnfýsi, hugrekki og réttlæti. Draumur Freyju er samfélag á mismununar. Sjálf gerði það sem hún átti ekki að geta og tókst að sigrast á fordómum allt um kring. Hún þorði að eiga sér drauma og nýta fötlun sína öðrum til góðs. Þess vegna er fötlun forréttindi. Freyja er óvænt hetja á skjön við hefðina. „Ég fæddist inn í heim sem gerir engan veginn ráð fyrir mér …“ segir Freyja sem brýtur glansmyndir og verður hamingjusöm með því að taka að sér þýðingarmikið hlutverk í samfélaginu.

- Gunnar Hersveinn, Morgunblaðinu

Nýjustu færslur

Eldri færslur

Bloggvinir

20.2.2008 | 18:06

Ég gat nú ekki annað en brosað út í annað þegar ég sá þessa frétt. Það er án efa mikið að gera hjá þingmönnum og ef það að þeir fái aðstoðarmenn auki afköst þeirra og vandvirkni samfélaginu í hag er ekkert neikvætt um þetta að segja.

Það er þó athyglisvert að hugsa til þess að fatlað fólk þarf aðstoð við margar grundvallar athafnir daglegs lífs til að njóta lífsgæða, frelsis og frama í þjóðfélaginu. Ég barðist í þrjú ár til að fá það í gegn að ráða til mín aðstoðarfólk sem ekki þótti sjálfsagt. Í dag er mikið af hreyfihömluðu fólki sem berst í þessu og fær misgóðar undirtektir.

Þar sem að ég hef aðstoðarfólk get ég:

Stundað háskólanám
Starfað sem fyrirlesari
Farið í sjúkraþjálfun
Tekið þátt í baráttumálum er lúta að málefnum fatlaðs fólks
Farið á klósettið þegar mér hentar en ekki að bíða þar til mamma kemur heim
Skroppið í banka, búð eða apótek
Skellt mér í bíó með kortérs fyrirvara
Farið heim af djamminu þegar ég vil en ekki bara þegar vinirnir vilja það
Verið ein heima lengur en tvo tíma
Þvegið þvottinn minn sjálf
Stjórnað lífi mínu, valið mér nám og störf, haft frelsi til að gera það sem hugurinn sækist eftir og upplifað það að vera manneskja.

Allt ofangreint væri ekki í boði fyrir mig án aðstoðarfólks. Allt ofangreint er ekki í boði fyrir tugi af fötluðu íslensku fólki. Það er spurning hvort ætti að ganga fyrir; frumvarp um aðstoðarfólk fyrir almenna borgara sem skilgreindir eru fatlaðir eða almenna borgara sem skilgreindir eru sem þingmenn.

Kannski að fleiri fatlaðir ættu að skella sér á þingið, þá myndu fleiri fá aðstoðarmenn.... Cool

In full respect.... Halo

	Þingmenn fái að ráða aðstoðarmenn
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 18:09 | Facebook

Athugasemdir

Góður punktur!

Ragga (IP-tala skráð) 20.2.2008 kl. 22:59

Þetta er svona fyrsta flokks vinstrihandar rothögg!

Rúna Guðfinnsdóttir, 20.2.2008 kl. 23:41

frábær pistill - það eru alltof margir að berjast í þessum pakka.

Berglind Elva (IP-tala skráð) 21.2.2008 kl. 01:21

Nákvæmlega!

María (IP-tala skráð) 21.2.2008 kl. 15:30

vá vá vá - FRÁBÆR pistill Freyja - inn á þing með þig TAKK!!!!!!!!

Eigið góða helgi stöllur

Særún

Særún (IP-tala skráð) 21.2.2008 kl. 20:15

Nokkuð til í þessu hjá Særúnu, það væri reynandi að koma þér á þing mín kæra

Margrét Össurardóttir (IP-tala skráð) 21.2.2008 kl. 21:54

ef þú færir inn á þing væriru þá ekki með tvo aðstoðarmenn?? hehe

Þóra Kristín (IP-tala skráð) 22.2.2008 kl. 13:54

Helv...(úps) er þetta öflug færsla hjá þér. Snillingur! Vona að sem flestir sjái hana svo að þeir átti sig á því hvar virkiega er þörf fyrir aðstoðarmenn í samfélaginu!

Olga Björt (IP-tala skráð) 25.2.2008 kl. 11:20

Halló skvís!!

Ætlaði bara að kasta á þvi kveðju!

híhí sátt með eiginhandaráritunina sem var í bókinni minni um jólinn:) híhí!!

Ekkert smá gaman að lesa færslurnar þínar!! Þú ert snillingur!!!!

Knús og kossar frá Akureyri! :*

Erna (IP-tala skráð) 25.2.2008 kl. 13:16

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Postulín

Efni