Rósin 2008

Ásta B. Þorsteinsdóttir er fædd 1. desember 1945 og lést af völdum krabbameins 12. október 1998. Hún var móðir Ásdísar Jennu Ástráðsdóttir sem er vel þekkt fyrir ljóð sín og baráttuþrek sem manneskja með fötlun. Ásta barðist mikið fyrir málefnum fatlaðs fólks í kjölfar þess að hún eignaðist Ásdísi en að mennt var hún skurðhjúkrunarfræðingur. Hún var formaður Landssamtakanna Þroskahjálpar og í stjórn um langt skeið, ásamt því að starfa ötullega á Alþingi, og beitti sér fyrir því að fatlað fólk væru þátttakendur í samfélaginu, myndu búa við sjálfstæði, lífsgæði, frelsi og mannréttindi. Eins og góð kona sagði um hana ,,hún var alltaf skrefinu á undan okkur hinum." Á meðan þjóðin talaði um sambýli, talaði hún um einstaklingsmiðaða þjónustu sem átti að gera fötluðu fólki kleyft að búa á eigin heimili með aðstoð.

Það hefur verið mikill missir af Ástu fyrir allt samfélagið okkar og málaflokk fatlaðs fólks. Þó ég hafi líklega ekki hitt Ástu oft hef ég alltaf vitað hver hún var, allt frá því ég var lítil. Af hverju? Því í hvert skipti sem nafn hennar bar á góma var fólk með stjörnur í augunum. Sem barn var ég ekki alveg meðvituð um af hverju en það fór ekkert fram hjá mér að það sem hún framkvæmdi og áorkaði var stórglæsilegt. Hennar störf hafa markað mikilvæg spor í viðhorfum og framþróun í málaflokknum okkar, í raun hjörtum okkar líka. Ásta gerði það alveg ljóst að baráttan sem við herjum daglega snúist ekki um neitt smáræði, heldur mannréttindi okkar allra.

Í dag heiðraði fjölskylda Ástu á samvinnu við Þroskahjálp minningu þessarar mögnuðu konu og í tilefni af því veittu þau hvatningarverðlaunin Rósina. Ég varð þeim forréttindum aðnjótandi að verða fyrir valinu að þessu sinni og tók við Rós nú seinnipartinn í dag. Eins og þið vitið hef ég fengið mikla hvatningu síðasta árið og er ég óhemju þakklát fyrir það.

Athöfnin í dag var ein sú fallegasta sem ég hef upplifað en hún bar með sér sömu reisn og Ásta gerði og er ég djúpt snortin af því að veita þessari viðurkenningu viðtökur. Það mun enginn geta fetað Ástu spor eins vel og hún sjálf en Rósin er svo sannarlega hvatning fyrir mig til að horfa fram á við og halda áfram mínu striki. Ég stefni allavega á að heiðra minningu þessarar baráttukonu með því að gera mitt allra besta í að halda uppi hugsjónum hennar og áherslum sem eru að sjálfsögðu; eitt samfélag fyrir alla.

Rósin mun minna mig á hennar baráttuvilja og að það sé ekki í boði að láta deigan síga né starfa með hálfum huga - það er í raun bara einn möguleiki í stöðunni; að halda áfram, trúa á framfarirnar og taka þátt í þeim.

- Freyja

Athugasemdir

[Gunnar Helgi Eysteinsson, 11.1.2008 kl. 23:08]

[Aðalheiður Þórisdóttir (IP-tala skráð) 11.1.2008 kl. 23:16]

Innilega til hamingju með Rósina  

"að halda áfram, trúa á framfarirnar og taka þátt í þeim ".   Þessi setning er fullkomin ! 

Kv Alla

[Dísa Dóra, 12.1.2008 kl. 10:26]

Innilega til hamingju með Rósina - þú ert vel að henni komin

[jón (IP-tala skráð) 12.1.2008 kl. 11:55]

Innlega til hamingju með það og þú átt þetta skilið eins og allt hitt

kv Jón og Margrét

[Margrét Össurardóttir (IP-tala skráð) 12.1.2008 kl. 12:03]

Til hamingju með rósina Freyja mín, þú ert vel að henni kominn og berð hana með reisn.

[Berglind Elva (IP-tala skráð) 12.1.2008 kl. 12:27]

Til hamingju með rósina - vel að henni kominn.  Ef ég væri með hatt þá tæki ég hann að ofan fyrir þér  góður pistill - og frábærlega vel skrifaður.

haltu áfram á þinni jákvæðu braut, þú ert mér og mínum mikil hvatning

[Særún (IP-tala skráð) 12.1.2008 kl. 12:30]

Elsku Freyja,

innilega til hamingju með þennan mikla heiður.  Þú ert að uppskera eins og þú hefur sáð.  

Kossar og knús

Særún

[Huld (IP-tala skráð) 12.1.2008 kl. 13:21]

Til hamingju! Fallega skrifað hjá þér :)

[Linda Linnet Hilmarsdóttir, 12.1.2008 kl. 20:29]

[Ása Hildur Guðjónsdóttir, 13.1.2008 kl. 00:17]

Til hamingu þú ert verðug heiðursins.

Takk fyrir góðan pistil.

[Rúna Guðfinnsdóttir, 13.1.2008 kl. 17:58]

Innilega til hamingju. Ég veit að þú ert verðug  þess að bera rósina

[lina (IP-tala skráð) 14.1.2008 kl. 14:20]

Hæ Freyja mín,

gleðilegt ár og takk fyrir öll gömlu ;-)  Innilegar hamingjuóskir með þetta allt saman hjá þér , bara frábært  og takk kærlega fyrir að halda vöku fyrir mér í nótt byrjaði nefnilega á bókinni og gat ekki hætt fyrr en hún var búin  algerlega frábær takk fyrir mig

kv Lína

[Kolgrima, 15.1.2008 kl. 04:05]

Innilega til hamingju með rósina. Þú ert vel að henni komin; Ásta var einstök kona.

Megi allt ganga þér í haginn á nýju ári. 

[Svana (IP-tala skráð) 15.1.2008 kl. 22:37]

tilhamingju með þessi hvatnígarverðlaun átt það sko vel skilið

[Magnús Paul Korntop, 18.1.2008 kl. 15:41]

Til hamingju með Rósina,já,Ásta B Þorsteinsdóttir var kjarnakona það vitum við sem þekktum hana gegnum störf hennar sem féll frá langt fyrir aldur fram.

[Edda í Englandi (IP-tala skráð) 18.1.2008 kl. 22:41]

Elsku Freyja.

Hjartanlega til hamingju með Rósina og einnig með bókina.

Mikið er ég (og örugglega allir sem þekkja þig og þó víða væri leitað) rosalega stolt af þér. En þú átt sko alveg skilið allt það hrós sem þú færð og allar þær rósir líka. Haltu áfram á sömu braut.  Bestu kveðjur til þín og þinna xxx  E.