Áritun á morgun - Kringlunni - almaogfreyja.blog.is

Heimsóknir

Flettingar

Í dag (4.5.): 1
Sl. sólarhring: 3
Sl. viku: 28
Frá upphafi: 114164

Annað

Innlit í dag: 1
Innlit sl. viku: 28
Gestir í dag: 1
IP-tölur í dag: 1

Uppfært á 3 mín. fresti.
Skýringar

Höfundur

Alma Guðmundsdóttir og Freyja Haraldsdóttir

Velkomin á síðuna okkar!

„ÞAÐ eru forréttindi að lifa með fötlun,“ er ögrandi fullyrðing sem Freyja Haraldsdóttir setur fram í bókinni Postulín sem hún skrifar með vinkonu sinni Ölmu Guðmundsdóttur. Fullyrðingin hljómar glannalega enda efaðist Freyja sjálf um hana. Og þó – oft felur sannleikurinn sig í því sem sýnist vera öfugmæli. Fullyrðingin er hugarhögg því hún kemur róti á hefðbundnar skoðanir – en reynist rétt vegna þess að Freyja hafði tekið ákvörðun um að vera hamingjusöm og hún vill einnig hjálpa öðrum til að sjá leiðina til hamingjunnar. Sársaukinn hefur verið skuggi Freyju frá fæðingu því hún fæddist með genagalla (OI) sem veldur því að bein hennar eru svo viðkvæm að þau geta hrokkið í sundur af litlu tilefni. „Ég var sú eina á Íslandi með OI á svo al varlegu stigi og því var engin reynsla af tilfellum eins og mínu.“ (48). Flestir gera tilraun til að feta vænlega slóð í lífinu til að höndla hina eftirsóknarverðu hamingju en slóð Freyju kostaði strit, puð og púl. „… upp á hvern einasta dag legg ég mig fram um það verkefni. Suma daga er það leikur einn og gengur eins og í sögu, en aðra daga þarf ég að beita öllu mínu hugarafli til að skrika ekki fótur og detta ofan í holuna.“ (235). Bókin Postulín á erindi til allra sem leita hamingjunnar því hún er vitnisburður um einstakling og fjölskyldu sem tekst með einstökum hætti að sigrast á mótlæti. „Ég er manneskja, ekki bara fötlun,“ segir Freyja og bendir fólki um leið á skylduna að gera ávallt greinarmun á persónum og þáttum sem valda mismunun. Freyja er góð fyrirmynd og því er áhugavert að kanna hver hennar fyrirmynd er, fyrir utan fjölskyldumeðlimi. Það er Martin Luther King Jr. og eiginleikarnir sem hann stóð fyrir: Staðfesta, fórnfýsi, hugrekki og réttlæti. Draumur Freyju er samfélag á mismununar. Sjálf gerði það sem hún átti ekki að geta og tókst að sigrast á fordómum allt um kring. Hún þorði að eiga sér drauma og nýta fötlun sína öðrum til góðs. Þess vegna er fötlun forréttindi. Freyja er óvænt hetja á skjön við hefðina. „Ég fæddist inn í heim sem gerir engan veginn ráð fyrir mér …“ segir Freyja sem brýtur glansmyndir og verður hamingjusöm með því að taka að sér þýðingarmikið hlutverk í samfélaginu.

- Gunnar Hersveinn, Morgunblaðinu

Nýjustu færslur

Eldri færslur

Bloggvinir

Áritun á morgun - Kringlunni

22.11.2007 | 14:35

Á morgun verðum við Freyja að árita bókina okkar Postulín á milli kl.16-18 í Eymundsson Norðurkringlu. Vonumst til að sjá framan í sem flesta..

Flokkur: Bloggar | Facebook

Athugasemdir

Hæ, Stelpur. Reyni að mæta eftir vinnu og fá áritaða bók. Ekki léleg jólagjöf það.

Þú ert hreint ótrúlega sterk Freyja mín.

Þú kennir okkur hinum, sem lítum á kroppin okkar svo sjálfsagðan,að meta það sem við höfum. Takk....

Guðrún Erla Sumarliðadóttir, 22.11.2007 kl. 22:59

Maður verður að mæta held ég, þetta er allavega bók sem mig langar að eiga. Mér finnst þessi bók ætti að vera skildulesning fyrir nýja starfsmenn hjá svæðisskrifstofu og helst bara fyrir fólkið í landinu.

Það er svo mikilvægt að skilja hvort annað og fyrir mitt leyti hef ég mikin áhuga hvernig líf þitt hefur verið, enda ótrúlegt að fylgjast með þér. Það verður líka spennandi að sjá hvernig samvinna ykkar er í þessari bók og hvernig hún er skrifuð.

Nanna Katrín Kristjánsdóttir, 23.11.2007 kl. 12:41

Ég styð Hönnu í því að þetta ætti að vera skildulesning fyrir nýja starfsmenn ég bý þannig að ég ætla að gefa starfsmönnum þessa bók í jólagjöf því ég veit að þeir læra vel af henni

jón (IP-tala skráð) 24.11.2007 kl. 03:15

Bókin er á leiðinni til mín í pósti! Get ekki beðið! Fæ ég ekki örugglega áritun í febrúar þegar ég kem heim? ;) Ha, ha!

Huld Hafsteinsdóttir (IP-tala skráð) 24.11.2007 kl. 12:16

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Postulín

Efni