Kastljós

Heimsóknir

Flettingar

Í dag (8.5.): 3
Sl. sólarhring: 3
Sl. viku: 15
Frá upphafi: 114173

Annað

Innlit í dag: 3
Innlit sl. viku: 15
Gestir í dag: 3
IP-tölur í dag: 3

Uppfært á 3 mín. fresti.
Skýringar

Höfundur

Alma Guðmundsdóttir og Freyja Haraldsdóttir

Velkomin á síðuna okkar!

„ÞAÐ eru forréttindi að lifa með fötlun,“ er ögrandi fullyrðing sem Freyja Haraldsdóttir setur fram í bókinni Postulín sem hún skrifar með vinkonu sinni Ölmu Guðmundsdóttur. Fullyrðingin hljómar glannalega enda efaðist Freyja sjálf um hana. Og þó – oft felur sannleikurinn sig í því sem sýnist vera öfugmæli. Fullyrðingin er hugarhögg því hún kemur róti á hefðbundnar skoðanir – en reynist rétt vegna þess að Freyja hafði tekið ákvörðun um að vera hamingjusöm og hún vill einnig hjálpa öðrum til að sjá leiðina til hamingjunnar. Sársaukinn hefur verið skuggi Freyju frá fæðingu því hún fæddist með genagalla (OI) sem veldur því að bein hennar eru svo viðkvæm að þau geta hrokkið í sundur af litlu tilefni. „Ég var sú eina á Íslandi með OI á svo al varlegu stigi og því var engin reynsla af tilfellum eins og mínu.“ (48). Flestir gera tilraun til að feta vænlega slóð í lífinu til að höndla hina eftirsóknarverðu hamingju en slóð Freyju kostaði strit, puð og púl. „… upp á hvern einasta dag legg ég mig fram um það verkefni. Suma daga er það leikur einn og gengur eins og í sögu, en aðra daga þarf ég að beita öllu mínu hugarafli til að skrika ekki fótur og detta ofan í holuna.“ (235). Bókin Postulín á erindi til allra sem leita hamingjunnar því hún er vitnisburður um einstakling og fjölskyldu sem tekst með einstökum hætti að sigrast á mótlæti. „Ég er manneskja, ekki bara fötlun,“ segir Freyja og bendir fólki um leið á skylduna að gera ávallt greinarmun á persónum og þáttum sem valda mismunun. Freyja er góð fyrirmynd og því er áhugavert að kanna hver hennar fyrirmynd er, fyrir utan fjölskyldumeðlimi. Það er Martin Luther King Jr. og eiginleikarnir sem hann stóð fyrir: Staðfesta, fórnfýsi, hugrekki og réttlæti. Draumur Freyju er samfélag á mismununar. Sjálf gerði það sem hún átti ekki að geta og tókst að sigrast á fordómum allt um kring. Hún þorði að eiga sér drauma og nýta fötlun sína öðrum til góðs. Þess vegna er fötlun forréttindi. Freyja er óvænt hetja á skjön við hefðina. „Ég fæddist inn í heim sem gerir engan veginn ráð fyrir mér …“ segir Freyja sem brýtur glansmyndir og verður hamingjusöm með því að taka að sér þýðingarmikið hlutverk í samfélaginu.

- Gunnar Hersveinn, Morgunblaðinu

Nýjustu færslur

Eldri færslur

Bloggvinir

31.10.2007 | 12:34

Fyrir þá sem misstu af okkur í Kastljósinu í gær, já, eða langar til að horfa aftur, er bein slóð á viðtalið hér. Starfsmenn þáttarins tóku virkilega vel á móti okkur og andrúmsloftið var afslappað og notalegt. Það skiptir öllu máli.

Takk fyrir jákvæðu commentin, bæði hér og á förnum vegi - þið eruð frábær. Margir eru að forvitnast um hvenær bókin komi út en það er ekki kominn fastur dagur ennþá, við látum ykkur vita um leið.

Eigið góðan dag,

- Freyja

Flokkur: Bloggar | Facebook

Athugasemdir

Þið stóðuð ykkur frábærlega og mér fannst lokaorðin þín Freyja svo sönn. Óskandi væri að allir næðu að horfa framhjá fötluninni á persónuna sjálfa í samskiptum sínum við fatlaða. Stundum segi ég reyndar að það sé svo að það eru við sem erum "normal" sem erum haldin fötlun - þeirri fötlun að einmitt geta sjaldnast horft á persónuna en ekki fötlunina.

Takk fyrir mig

Dísa Dóra, 31.10.2007 kl. 13:20

Æðislegt að horfa á kastljós, Freyja þú ert svo sönn einsog að venju. Alma æðisleg vinkona. Þið eruð frábærar saman. Ég hlakka til að lesa bókina.

Ásta María H Jensen, 31.10.2007 kl. 14:17

Mjög flott viðtal og þið báðar algerar hetjur!

DoctorE (IP-tala skráð) 31.10.2007 kl. 14:48

Þú ert hreint mögnuð Freyja og getur maður lært svo ótal margt af þér.

Megi þér ganga vel og óska ég þér alls hins besta.

Rúna Guðfinnsdóttir, 31.10.2007 kl. 15:46

Þið tvær eruð eitt besta tvíeyki sem hefur verið til lengi.

Jón Þór Ólafsson (IP-tala skráð) 31.10.2007 kl. 16:15

frábært viðtalið við ykkur. Þið eruð að gera frábæra hluti og ætla ég að eignast bókina. Gangi ykkur vel.

kv Sirry

Sigríður Jónsdóttir, 31.10.2007 kl. 16:34

Sælar kerlur! Frábært viðtal við ykkur og ættuð þið eiginlega bara að vera fastagestir í Kastljósi til þess hreinlega að koma vitinu fyrir landann . Bókin ykkar verður eflaust jólabókin í ár! Gangi ykkur sem allra best á lokasprettinum.

Kristbjörg Þórisdóttir, 31.10.2007 kl. 17:58

Sá viðtalið í gær.....þið stóðuð ykkur eins og hetjur !

Melanie Rose (IP-tala skráð) 31.10.2007 kl. 18:02

Þið þekkið mig ekki og ég ekki ykkur, en ég sá viðtalið í Kastljósi og dáðist virkilega að því hversu vel þið stóðuð ykkur báðar í viðtalinu. Ég hafði áður heyrt um átak Freyju þegar hún hélt alla fyrirlestrana í framhaldsskólum landsins og fannst það mjög aðdáunarvert framtak. Þarna, hugsaði ég mér sjálfri mér, er komin fram einstaklingur sem á alla virðingu skilið fyrir hugrekki og sannan kraft. Mér finnst átak ykkar og kraftur enn meira virði vegna þess að ég geri mér fulla grein fyrir því að Freyja hefur þurft að berjast miklu meira en flestir aðrir til að njóta sömu lífsgæða og við hin "heilbrigðu" tökum sem gefnum.

Svo til hamingju með kraftinn, hugrekkið og viljan til að stíga fram og opna nýja sýn á veruleikann. Megi bókin ykkar fá hið besta brautargengi og opna augu margra.

Til hamingju stúlkur.

Sirrý (IP-tala skráð) 2.11.2007 kl. 08:37

Rosalega var gaman að sjá enn eitt flott viðtalið Freyja mín! Þið vinkonur eruð mjög góðar í að koma öllu svo skemmtilega í orð og ég get ekki beðið eftir bókinni!!

Bestu kveðjur,

Karen

Karen Júlía Sigurðardóttir (IP-tala skráð) 7.11.2007 kl. 09:45

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Postulín

Efni