Postulín

Heimsóknir

Flettingar

Í dag (8.5.): 1
Sl. sólarhring: 1
Sl. viku: 13
Frá upphafi: 114171

Annað

Innlit í dag: 1
Innlit sl. viku: 13
Gestir í dag: 1
IP-tölur í dag: 1

Uppfært á 3 mín. fresti.
Skýringar

Höfundur

Alma Guðmundsdóttir og Freyja Haraldsdóttir

Velkomin á síðuna okkar!

„ÞAÐ eru forréttindi að lifa með fötlun,“ er ögrandi fullyrðing sem Freyja Haraldsdóttir setur fram í bókinni Postulín sem hún skrifar með vinkonu sinni Ölmu Guðmundsdóttur. Fullyrðingin hljómar glannalega enda efaðist Freyja sjálf um hana. Og þó – oft felur sannleikurinn sig í því sem sýnist vera öfugmæli. Fullyrðingin er hugarhögg því hún kemur róti á hefðbundnar skoðanir – en reynist rétt vegna þess að Freyja hafði tekið ákvörðun um að vera hamingjusöm og hún vill einnig hjálpa öðrum til að sjá leiðina til hamingjunnar. Sársaukinn hefur verið skuggi Freyju frá fæðingu því hún fæddist með genagalla (OI) sem veldur því að bein hennar eru svo viðkvæm að þau geta hrokkið í sundur af litlu tilefni. „Ég var sú eina á Íslandi með OI á svo al varlegu stigi og því var engin reynsla af tilfellum eins og mínu.“ (48). Flestir gera tilraun til að feta vænlega slóð í lífinu til að höndla hina eftirsóknarverðu hamingju en slóð Freyju kostaði strit, puð og púl. „… upp á hvern einasta dag legg ég mig fram um það verkefni. Suma daga er það leikur einn og gengur eins og í sögu, en aðra daga þarf ég að beita öllu mínu hugarafli til að skrika ekki fótur og detta ofan í holuna.“ (235). Bókin Postulín á erindi til allra sem leita hamingjunnar því hún er vitnisburður um einstakling og fjölskyldu sem tekst með einstökum hætti að sigrast á mótlæti. „Ég er manneskja, ekki bara fötlun,“ segir Freyja og bendir fólki um leið á skylduna að gera ávallt greinarmun á persónum og þáttum sem valda mismunun. Freyja er góð fyrirmynd og því er áhugavert að kanna hver hennar fyrirmynd er, fyrir utan fjölskyldumeðlimi. Það er Martin Luther King Jr. og eiginleikarnir sem hann stóð fyrir: Staðfesta, fórnfýsi, hugrekki og réttlæti. Draumur Freyju er samfélag á mismununar. Sjálf gerði það sem hún átti ekki að geta og tókst að sigrast á fordómum allt um kring. Hún þorði að eiga sér drauma og nýta fötlun sína öðrum til góðs. Þess vegna er fötlun forréttindi. Freyja er óvænt hetja á skjön við hefðina. „Ég fæddist inn í heim sem gerir engan veginn ráð fyrir mér …“ segir Freyja sem brýtur glansmyndir og verður hamingjusöm með því að taka að sér þýðingarmikið hlutverk í samfélaginu.

- Gunnar Hersveinn, Morgunblaðinu

Nýjustu færslur

Eldri færslur

Bloggvinir

29.10.2007 | 19:05

Þá er bókin komin með nafn loksins eftir miklar vangaveltur, Postulín. Stökk bein mín gerðu það að verkum að á fyrstu árum ævi minnar mátti ekkert á móti blása án þess að ég brotnaði. Til að útskýra ástandið fyrir foreldrum mínum í upphafi var beinunum líkt við örþunnt postulín. Það leið ekki á löngu þar til fjölskyldan, meira í gríni en alvöru, kallaði mig stundum postulínsdúkku. Að þeirri ástæðu og ýmsum öðrum endurspeglar titillinn lífshlaup mitt og varpar ljósi á upplifun mína og viðhorf gagnvart fötlun minni og lífinu í heild. Nú er búið að hanna blöðung sem þið getið nálgast hér.

Í dag fórum við á fyrstu upplestur okkar og var hann hjá Rótarý í Garðabæ. Það var eins og við mátti búast tekið vel á móti okkur, við áttum góða stund og stigum okkar fyrstu skref í upplestri utan veggja heimilisins. Við þökkum fyrir okkur.

Nú erum við í óðaönn að bóka upplestra og má senda inn eftirspurn á almaogfreyja@forrettindi.is - við erum opnar fyrir öllu.

Við þökkum fyrir góðar viðtökur á færslunni hér fyrir neðan, það er svo gaman að heyra og sjá hvað þið hafið að segja. Hvatning ykkar er ómetanleg!

Kv. Freyja

Flokkur: Bloggar | Breytt s.d. kl. 19:07 | Facebook

Athugasemdir

Hjartanlega til hamingju með bókina og nú get ég byrjað að hlakka til að lesa þessa bók

Jón Þór Ólafsson (IP-tala skráð) 29.10.2007 kl. 21:51

Frábært! Innilega til hamingju! Þessa bók ætla ég klárlega að lesa . Nafnið á bókinni er snilld. Gæti ekki verið betra!

Ester Júlía, 29.10.2007 kl. 22:51

Til hamingju stelpur!
Ég er nú ekki þekkt fyrir að lesa mikið en þetta verður án efa ein af þeim fáu bókum sem ég mun lesa spjaldanna á milli

Gangi ykkur vel að fylgja þessu flotta verki eftir

Embla Ágústsdóttir, 30.10.2007 kl. 00:28

Til hamingju, glæsilegt!

Huld Hafsteinsdóttir (IP-tala skráð) 30.10.2007 kl. 08:39

TIl hamingju með bókina. Það sem þið eruð að gera er að auka skilning almennings á lífi fatlaðra, en það eru allt of margir eru hræddir við það ókunnuga, skilja og vita ekki hvernig eigi að koma fram við þá sem eru fatlaðir. Bókin gerir ykkur að hversdags-hetjum. Ég er ekkert smá stolt af ykkur, get ekki beðið eftir að lesa bókina. Takk fyrir þetta stelpur.

Nanna Katrín Kristjánsdóttir, 30.10.2007 kl. 13:12

Er ekki að styttast í að bókin komi út ?

Kv Alla

Aðalheiður Þórisd (IP-tala skráð) 30.10.2007 kl. 21:16

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Postulín

Efni

Heimsóknir

Flettingar

Annað

Höfundur

Nýjustu færslur

Eldri færslur

Bloggvinir

Postulín

Athugasemdir

Bæta við athugasemd [Innskráning]

Innskráning

Innskráning: