:) - almaogfreyja.blog.is

Heimsóknir

Flettingar

Í dag (4.5.): 2
Sl. sólarhring: 3
Sl. viku: 29
Frá upphafi: 114165

Annað

Innlit í dag: 2
Innlit sl. viku: 29
Gestir í dag: 2
IP-tölur í dag: 2

Uppfært á 3 mín. fresti.
Skýringar

Höfundur

Alma Guðmundsdóttir og Freyja Haraldsdóttir

Velkomin á síðuna okkar!

„ÞAÐ eru forréttindi að lifa með fötlun,“ er ögrandi fullyrðing sem Freyja Haraldsdóttir setur fram í bókinni Postulín sem hún skrifar með vinkonu sinni Ölmu Guðmundsdóttur. Fullyrðingin hljómar glannalega enda efaðist Freyja sjálf um hana. Og þó – oft felur sannleikurinn sig í því sem sýnist vera öfugmæli. Fullyrðingin er hugarhögg því hún kemur róti á hefðbundnar skoðanir – en reynist rétt vegna þess að Freyja hafði tekið ákvörðun um að vera hamingjusöm og hún vill einnig hjálpa öðrum til að sjá leiðina til hamingjunnar. Sársaukinn hefur verið skuggi Freyju frá fæðingu því hún fæddist með genagalla (OI) sem veldur því að bein hennar eru svo viðkvæm að þau geta hrokkið í sundur af litlu tilefni. „Ég var sú eina á Íslandi með OI á svo al varlegu stigi og því var engin reynsla af tilfellum eins og mínu.“ (48). Flestir gera tilraun til að feta vænlega slóð í lífinu til að höndla hina eftirsóknarverðu hamingju en slóð Freyju kostaði strit, puð og púl. „… upp á hvern einasta dag legg ég mig fram um það verkefni. Suma daga er það leikur einn og gengur eins og í sögu, en aðra daga þarf ég að beita öllu mínu hugarafli til að skrika ekki fótur og detta ofan í holuna.“ (235). Bókin Postulín á erindi til allra sem leita hamingjunnar því hún er vitnisburður um einstakling og fjölskyldu sem tekst með einstökum hætti að sigrast á mótlæti. „Ég er manneskja, ekki bara fötlun,“ segir Freyja og bendir fólki um leið á skylduna að gera ávallt greinarmun á persónum og þáttum sem valda mismunun. Freyja er góð fyrirmynd og því er áhugavert að kanna hver hennar fyrirmynd er, fyrir utan fjölskyldumeðlimi. Það er Martin Luther King Jr. og eiginleikarnir sem hann stóð fyrir: Staðfesta, fórnfýsi, hugrekki og réttlæti. Draumur Freyju er samfélag á mismununar. Sjálf gerði það sem hún átti ekki að geta og tókst að sigrast á fordómum allt um kring. Hún þorði að eiga sér drauma og nýta fötlun sína öðrum til góðs. Þess vegna er fötlun forréttindi. Freyja er óvænt hetja á skjön við hefðina. „Ég fæddist inn í heim sem gerir engan veginn ráð fyrir mér …“ segir Freyja sem brýtur glansmyndir og verður hamingjusöm með því að taka að sér þýðingarmikið hlutverk í samfélaginu.

- Gunnar Hersveinn, Morgunblaðinu

Nýjustu færslur

Eldri færslur

Bloggvinir

:)

19.5.2008 | 12:57

Jæja, þá er prófatörnin yfirstaðin og bjartir tímar framundan, engar les-, ritgerða- og prófkvaðir næstu mánuði. Ekki hefur verið mikið um skrif hér en fátt annað en félagsfræðikenningar og sálfræðigreiningar hafa komist fyrir í heilabúinu á mér síðustu vikur.

Ég dustaði af fyrirlestrunum mínum rykið í síðustu viku og flutti tvo í Valhúsaskóla fyrir 7.-10. bekk á þemadögum þeirra. Það var ótrúlega skemmtilegt, stemningin var rosa fín og áheyrendur áhugasamir og spurðu mikið. Eins og ég hef sagt oft áður þá gefur þátttaka nemenda í fyrirlestrum þeim miklu meira gildi.

Á döfinni hjá okkur Ölmu er upplestur í Myllubakkaskóla, Rimaskóla og Lindaskóla sem verður ábyggilega mjög skemmtilegt. Annars starfar Alma nú hjá Fréttablaðinu og ég mun starfa hjá Barnaskóla Hjallastefnunar í sumar.

Flokkur: Bloggar | Facebook

Athugasemdir

Til hamingju með að vera búin í prófunum.

jón og magga (IP-tala skráð) 20.5.2008 kl. 07:40

Til lukku með próflok og takk fyrir að vera þú með alla þína fræðslu fyrir okkur sem ekki skiljum.

Vona að sumarið verði þér gott.

Sigurbjörg Guðleif, 20.5.2008 kl. 15:15

velkomin í "skólafrí", njóttu sumarvinnunnar, það er ótrúlega gaman í sumarskólanum vann þar í fyrra (hafnarfirði), endalaus hamingja og glaðir krakkar :)

E.R Gunnlaugs, 21.5.2008 kl. 15:44

Innlitskvitt

Góða helgi

Lovísa , 24.5.2008 kl. 10:50

Til lukku með próflokin Freyja mín - hvar verðurðu í sumar hjá Hjallastefnunni?? Garðabæ eða Hafnarfirði?

Knús knús

Særún

Særún (IP-tala skráð) 29.5.2008 kl. 12:22

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Postulín

Efni