Tónleikar til styrktar fyrirlestrunum

Heimsóknir

Flettingar

Í dag (4.5.): 0
Sl. sólarhring: 3
Sl. viku: 27
Frá upphafi: 0

Annað

Innlit í dag: 0
Innlit sl. viku: 27
Gestir í dag: 0
IP-tölur í dag: 0

Uppfært á 3 mín. fresti.
Skýringar

Höfundur

Alma Guðmundsdóttir og Freyja Haraldsdóttir

Velkomin á síðuna okkar!

„ÞAÐ eru forréttindi að lifa með fötlun,“ er ögrandi fullyrðing sem Freyja Haraldsdóttir setur fram í bókinni Postulín sem hún skrifar með vinkonu sinni Ölmu Guðmundsdóttur. Fullyrðingin hljómar glannalega enda efaðist Freyja sjálf um hana. Og þó – oft felur sannleikurinn sig í því sem sýnist vera öfugmæli. Fullyrðingin er hugarhögg því hún kemur róti á hefðbundnar skoðanir – en reynist rétt vegna þess að Freyja hafði tekið ákvörðun um að vera hamingjusöm og hún vill einnig hjálpa öðrum til að sjá leiðina til hamingjunnar. Sársaukinn hefur verið skuggi Freyju frá fæðingu því hún fæddist með genagalla (OI) sem veldur því að bein hennar eru svo viðkvæm að þau geta hrokkið í sundur af litlu tilefni. „Ég var sú eina á Íslandi með OI á svo al varlegu stigi og því var engin reynsla af tilfellum eins og mínu.“ (48). Flestir gera tilraun til að feta vænlega slóð í lífinu til að höndla hina eftirsóknarverðu hamingju en slóð Freyju kostaði strit, puð og púl. „… upp á hvern einasta dag legg ég mig fram um það verkefni. Suma daga er það leikur einn og gengur eins og í sögu, en aðra daga þarf ég að beita öllu mínu hugarafli til að skrika ekki fótur og detta ofan í holuna.“ (235). Bókin Postulín á erindi til allra sem leita hamingjunnar því hún er vitnisburður um einstakling og fjölskyldu sem tekst með einstökum hætti að sigrast á mótlæti. „Ég er manneskja, ekki bara fötlun,“ segir Freyja og bendir fólki um leið á skylduna að gera ávallt greinarmun á persónum og þáttum sem valda mismunun. Freyja er góð fyrirmynd og því er áhugavert að kanna hver hennar fyrirmynd er, fyrir utan fjölskyldumeðlimi. Það er Martin Luther King Jr. og eiginleikarnir sem hann stóð fyrir: Staðfesta, fórnfýsi, hugrekki og réttlæti. Draumur Freyju er samfélag á mismununar. Sjálf gerði það sem hún átti ekki að geta og tókst að sigrast á fordómum allt um kring. Hún þorði að eiga sér drauma og nýta fötlun sína öðrum til góðs. Þess vegna er fötlun forréttindi. Freyja er óvænt hetja á skjön við hefðina. „Ég fæddist inn í heim sem gerir engan veginn ráð fyrir mér …“ segir Freyja sem brýtur glansmyndir og verður hamingjusöm með því að taka að sér þýðingarmikið hlutverk í samfélaginu.

- Gunnar Hersveinn, Morgunblaðinu

Nýjustu færslur

Eldri færslur

Bloggvinir

Tónleikar til styrktar fyrirlestrunum

18.12.2007 | 00:04

Tonl._Gosp.kors_des_2007-500

Ég veit ekki alveg hvað ég á að segja!

Gospelkór FG og Garðasóknar eru semsé með tónleika til styrktar fræðslunni minni Það eru forréttindi að lifa með fötlun. Ég hlakka ótrúlega til að fara og er auðvitað yfir mig þakklát fyrir fallega hugsun á bakvið tónleikana. Þetta á án alls efa eftir að gefa mér tækifæri til að þróa fræðsluna enn frekar.

Kærleikskveðja,

Freyja

Flokkur: Bloggar | Facebook

Athugasemdir

Kæra Freyja,

ég hef ekki kvittað áður á síðuna þína, en hef verið að lesa bloggið þitt og fylgst með þér og bókinni þinni, það er ekki spurning að ég mun lesa bókina.

Frábært með tónleikana :) til hamingju með það.Vildi vilja komast, en kemst líklega ekki...

Bestu kv og gleðileg jól

Fanney (IP-tala skráð) 18.12.2007 kl. 08:58

Frábært, til hamingju! Kossar og knús, Huld.

Huld frænka (IP-tala skráð) 18.12.2007 kl. 11:02

Ohh.. ég verð að reyna að redda vaktinni minni á fim svo ég komist með, langar svo að fara

Heiða Björk (IP-tala skráð) 19.12.2007 kl. 01:20

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Postulín

Efni

Heimsóknir

Flettingar

Annað

Höfundur

Nýjustu færslur

Eldri færslur

Bloggvinir

Tónleikar til styrktar fyrirlestrunum

Athugasemdir

Bæta við athugasemd [Innskráning]

Innskráning

Innskráning: