Hjartans þakkir

Heimsóknir

Flettingar

Í dag (3.5.): 3
Sl. sólarhring: 3
Sl. viku: 29
Frá upphafi: 114163

Annað

Innlit í dag: 3
Innlit sl. viku: 29
Gestir í dag: 3
IP-tölur í dag: 3

Uppfært á 3 mín. fresti.
Skýringar

Höfundur

Alma Guðmundsdóttir og Freyja Haraldsdóttir

Velkomin á síðuna okkar!

„ÞAÐ eru forréttindi að lifa með fötlun,“ er ögrandi fullyrðing sem Freyja Haraldsdóttir setur fram í bókinni Postulín sem hún skrifar með vinkonu sinni Ölmu Guðmundsdóttur. Fullyrðingin hljómar glannalega enda efaðist Freyja sjálf um hana. Og þó – oft felur sannleikurinn sig í því sem sýnist vera öfugmæli. Fullyrðingin er hugarhögg því hún kemur róti á hefðbundnar skoðanir – en reynist rétt vegna þess að Freyja hafði tekið ákvörðun um að vera hamingjusöm og hún vill einnig hjálpa öðrum til að sjá leiðina til hamingjunnar. Sársaukinn hefur verið skuggi Freyju frá fæðingu því hún fæddist með genagalla (OI) sem veldur því að bein hennar eru svo viðkvæm að þau geta hrokkið í sundur af litlu tilefni. „Ég var sú eina á Íslandi með OI á svo al varlegu stigi og því var engin reynsla af tilfellum eins og mínu.“ (48). Flestir gera tilraun til að feta vænlega slóð í lífinu til að höndla hina eftirsóknarverðu hamingju en slóð Freyju kostaði strit, puð og púl. „… upp á hvern einasta dag legg ég mig fram um það verkefni. Suma daga er það leikur einn og gengur eins og í sögu, en aðra daga þarf ég að beita öllu mínu hugarafli til að skrika ekki fótur og detta ofan í holuna.“ (235). Bókin Postulín á erindi til allra sem leita hamingjunnar því hún er vitnisburður um einstakling og fjölskyldu sem tekst með einstökum hætti að sigrast á mótlæti. „Ég er manneskja, ekki bara fötlun,“ segir Freyja og bendir fólki um leið á skylduna að gera ávallt greinarmun á persónum og þáttum sem valda mismunun. Freyja er góð fyrirmynd og því er áhugavert að kanna hver hennar fyrirmynd er, fyrir utan fjölskyldumeðlimi. Það er Martin Luther King Jr. og eiginleikarnir sem hann stóð fyrir: Staðfesta, fórnfýsi, hugrekki og réttlæti. Draumur Freyju er samfélag á mismununar. Sjálf gerði það sem hún átti ekki að geta og tókst að sigrast á fordómum allt um kring. Hún þorði að eiga sér drauma og nýta fötlun sína öðrum til góðs. Þess vegna er fötlun forréttindi. Freyja er óvænt hetja á skjön við hefðina. „Ég fæddist inn í heim sem gerir engan veginn ráð fyrir mér …“ segir Freyja sem brýtur glansmyndir og verður hamingjusöm með því að taka að sér þýðingarmikið hlutverk í samfélaginu.

- Gunnar Hersveinn, Morgunblaðinu

Nýjustu færslur

Eldri færslur

Bloggvinir

14.12.2007 | 01:50

Ég er nú engin sérlega mikil væluskjóða en verð að viðurkenna að ég verð meir á að skoða allar þessar fallegu kveðjur, lesa skemmtileg mail og sms sem ég hef fengið undanfarinn sólarhring vegna viðurkenningarinnar Kona ársins 2007 hjá Nýju Lífi. Mig langar að deila með ykkur erindinu sem ég hélt í gær í tilefni dagsins;

Ég vil byrja á að þakka innilega fyrir mig, það er mikill heiður að taka á móti viðurkenningu sem þessari. Það er alltaf ánægjulegt að fá góða hvatningu sem veitir mér innblástur til að halda áfram á þeim vegi sem ég er á og orku til að yfirstíga þær samfélagslegu hindranir sem mér eru settar, nánast daglega. Dagur sem þessi minnir mig á að ferðalagið að markmiðum mínum um breytta ímynd og samfélag án aðgreiningar er hverrar mínútu virði.

Það eru einnig skilaboðin sem felast í viðurkenningunni sem eru mér mikilvæg. Fyrir nokkrum árum var ég mjög ósátt við mitt hlutskipti, sjálfan mig, líkama minn og efaðist stundum um þá staðreynd að ég væri kona. Skilaboðin frá umhverfinu rugluðu mig í rýminu og ýttu undir fordóma í eigin garð. Ég hef alltaf staðið föst á þeirri skoðun að lífið leiði fólk á rétta braut á ólíklegustu stundum, jafnvel án þess að það taki eftir því. Þannig var það í mínu tilviki því ég horfi allt öðrum augum á sjálfan mig og aðra í minni stöðu í dag. Þau skilaboð sem felast í að vera kona ársins minna mig á að horfa réttum augum á sjálfan mig og er frekari staðfesting á að efasemdir mínar um mig sem konu eru óþarfar. Ég býst við að þau sömu skilaboð skili sér út í þjóðfélagið og eigi þátt í að breyta ímynd fatlaðra kvenna - takk fyrir það.

Ég ætla ekki að hafa þetta lengra hér í kvöld en vil þakka enn og aftur fyrir mig, hvatningin er ómetanleg.

Kveðjur ykkar og hvatning eru einnig ómetanlegar. Takk fyrir mig!!!

- Freyja

nl0712

E.S. Það má sjá viðtal við mig í nýjasta tímariti Nýs Lífs

Flokkur: Bloggar | Breytt s.d. kl. 01:57 | Facebook

Athugasemdir

Þú áttir þetta sannarlega skilið

Hólmdís Hjartardóttir, 14.12.2007 kl. 01:57

Hjartanlega til hamingju

Áslaug Ósk Hinriksdóttir, 14.12.2007 kl. 09:02

Hér á bæ er komið á innkaupalistann að kaupa Nýtt líf

Dísa Dóra, 14.12.2007 kl. 10:51

Kæra Freyja

Þetta áttu sannarlega skilið!!

Flott ræða hjá þér - segir allt sem segja þarf

Gleðileg jól til þín og allra þinna

Habbó

Hrafnhildur-Habbó (IP-tala skráð) 14.12.2007 kl. 12:47

Sæl Freyja

Þú er kona sem við hinar getum litið til með miklu stolti og sem frábæra hvatningu. Það er stórkostlegt hvernig þú hefur brotið múrana hvern af öðrum. Til slíkra hluta þarf; jákvætt hugarfar, óbilandi kjark, gríðarleg þrautseigja, bjargfasta trú og ríkulega réttlætiskennd. Þessa eiginleika hefur þú til að bera og nýtir þá vel. Þú ert ein af þessum fyrirmyndum sem vert er að horfa til og læra af. Guð blessi þig og varðveiti. Hólmfríður Bjarnadóttir www.fridabjarna.blog.is

Hólmfríður Bjarnadóttir, 14.12.2007 kl. 23:12

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Postulín