Gagnrýni

Heimsóknir

Flettingar

Í dag (22.11.): 1
Sl. sólarhring: 1
Sl. viku: 2
Frá upphafi: 114370

Annað

Innlit í dag: 1
Innlit sl. viku: 2
Gestir í dag: 1
IP-tölur í dag: 1

Uppfært á 3 mín. fresti.
Skýringar

Höfundur

Alma Guðmundsdóttir og Freyja Haraldsdóttir

Velkomin á síðuna okkar!

„ÞAÐ eru forréttindi að lifa með fötlun,“ er ögrandi fullyrðing sem Freyja Haraldsdóttir setur fram í bókinni Postulín sem hún skrifar með vinkonu sinni Ölmu Guðmundsdóttur. Fullyrðingin hljómar glannalega enda efaðist Freyja sjálf um hana. Og þó – oft felur sannleikurinn sig í því sem sýnist vera öfugmæli. Fullyrðingin er hugarhögg því hún kemur róti á hefðbundnar skoðanir – en reynist rétt vegna þess að Freyja hafði tekið ákvörðun um að vera hamingjusöm og hún vill einnig hjálpa öðrum til að sjá leiðina til hamingjunnar. Sársaukinn hefur verið skuggi Freyju frá fæðingu því hún fæddist með genagalla (OI) sem veldur því að bein hennar eru svo viðkvæm að þau geta hrokkið í sundur af litlu tilefni. „Ég var sú eina á Íslandi með OI á svo al varlegu stigi og því var engin reynsla af tilfellum eins og mínu.“ (48). Flestir gera tilraun til að feta vænlega slóð í lífinu til að höndla hina eftirsóknarverðu hamingju en slóð Freyju kostaði strit, puð og púl. „… upp á hvern einasta dag legg ég mig fram um það verkefni. Suma daga er það leikur einn og gengur eins og í sögu, en aðra daga þarf ég að beita öllu mínu hugarafli til að skrika ekki fótur og detta ofan í holuna.“ (235). Bókin Postulín á erindi til allra sem leita hamingjunnar því hún er vitnisburður um einstakling og fjölskyldu sem tekst með einstökum hætti að sigrast á mótlæti. „Ég er manneskja, ekki bara fötlun,“ segir Freyja og bendir fólki um leið á skylduna að gera ávallt greinarmun á persónum og þáttum sem valda mismunun. Freyja er góð fyrirmynd og því er áhugavert að kanna hver hennar fyrirmynd er, fyrir utan fjölskyldumeðlimi. Það er Martin Luther King Jr. og eiginleikarnir sem hann stóð fyrir: Staðfesta, fórnfýsi, hugrekki og réttlæti. Draumur Freyju er samfélag á mismununar. Sjálf gerði það sem hún átti ekki að geta og tókst að sigrast á fordómum allt um kring. Hún þorði að eiga sér drauma og nýta fötlun sína öðrum til góðs. Þess vegna er fötlun forréttindi. Freyja er óvænt hetja á skjön við hefðina. „Ég fæddist inn í heim sem gerir engan veginn ráð fyrir mér …“ segir Freyja sem brýtur glansmyndir og verður hamingjusöm með því að taka að sér þýðingarmikið hlutverk í samfélaginu.

- Gunnar Hersveinn, Morgunblaðinu

Nýjustu færslur

Eldri færslur

Bloggvinir

3.12.2007 | 15:23

Hæ, hæ

Í Morgunblaðinu í dag, á bls. 15 fær Postulín gagnrýni/umfjöllun sem er ánægjulegt og í senn viðeigandi þar sem í dag er Alþjóðadagur fatlaðs fólks.

Til hamingju með daginn!!

Kv. Freyja&Alma

Flokkur: Bloggar | Facebook

Athugasemdir

Til lukku með þessa fínu umfjöllun, ég bíð fram að jólum að lesa bókina, það var hvíslað að mér að ég fengi hana í skóinn .

Margrét Össurardóttir (IP-tala skráð) 3.12.2007 kl. 18:11

Innilega til hamingju Freyja, með viðurkenninguna núna í kvöld. Frábært

Marinó Már Marinósson, 3.12.2007 kl. 19:19

Innilega til hamingju með umfjöllunina!

Rétt í þessu var ég að horfa á RÚV og sjá þig taka á móti hvatningaverðlaununum. Þú átt þau sko sannarlega skilið elsku Freyja. Gangi þér áfram vel að hreyfa við okkur hinum.

Olga Björt (IP-tala skráð) 3.12.2007 kl. 19:20

Innilega til hamingju með heiðursverðlaunin þín Freyja - þú átt þau svo sannarlega skilið

Er að lesa bókina þína og hún er bara frábær

Dísa Dóra, 3.12.2007 kl. 19:54

Til hamingju Freyja með verðlaunin, ég náði að sjá þig í fréttunum því Þórir Björn kom hrópandi inn í eldhús " Freyja vann verðlaun " var voðalega ánægður að sjá þig með svona flott verðlaun. Kv Alla

Aðalheiður Þórisdóttir (IP-tala skráð) 3.12.2007 kl. 20:18

Til lukku með þetta stúlkur, og ég hlakka til að sjá ykkur á Amtsbókasafninu eftir viku

Doddi - Þorsteinn G. Jónsson (IP-tala skráð) 3.12.2007 kl. 20:49

Til hamingju með hvatningarverðlaunin Freyja mín, þú átt þau sannarlega vel skilið fyrir þína bjartsýni og að veita öðrum innsýn inn í líf fatlaðs einstaklings. Knús á þig

Margrét Össurardóttir (IP-tala skráð) 4.12.2007 kl. 15:45

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Postulín

Efni