Young voices

Heimsóknir

Flettingar

Í dag (21.11.): 0
Sl. sólarhring:
Sl. viku: 1
Frá upphafi: 0

Annað

Innlit í dag: 0
Innlit sl. viku: 1
Gestir í dag: 0
IP-tölur í dag: 0

Uppfært á 3 mín. fresti.
Skýringar

Höfundur

Alma Guðmundsdóttir og Freyja Haraldsdóttir

Velkomin á síðuna okkar!

„ÞAÐ eru forréttindi að lifa með fötlun,“ er ögrandi fullyrðing sem Freyja Haraldsdóttir setur fram í bókinni Postulín sem hún skrifar með vinkonu sinni Ölmu Guðmundsdóttur. Fullyrðingin hljómar glannalega enda efaðist Freyja sjálf um hana. Og þó – oft felur sannleikurinn sig í því sem sýnist vera öfugmæli. Fullyrðingin er hugarhögg því hún kemur róti á hefðbundnar skoðanir – en reynist rétt vegna þess að Freyja hafði tekið ákvörðun um að vera hamingjusöm og hún vill einnig hjálpa öðrum til að sjá leiðina til hamingjunnar. Sársaukinn hefur verið skuggi Freyju frá fæðingu því hún fæddist með genagalla (OI) sem veldur því að bein hennar eru svo viðkvæm að þau geta hrokkið í sundur af litlu tilefni. „Ég var sú eina á Íslandi með OI á svo al varlegu stigi og því var engin reynsla af tilfellum eins og mínu.“ (48). Flestir gera tilraun til að feta vænlega slóð í lífinu til að höndla hina eftirsóknarverðu hamingju en slóð Freyju kostaði strit, puð og púl. „… upp á hvern einasta dag legg ég mig fram um það verkefni. Suma daga er það leikur einn og gengur eins og í sögu, en aðra daga þarf ég að beita öllu mínu hugarafli til að skrika ekki fótur og detta ofan í holuna.“ (235). Bókin Postulín á erindi til allra sem leita hamingjunnar því hún er vitnisburður um einstakling og fjölskyldu sem tekst með einstökum hætti að sigrast á mótlæti. „Ég er manneskja, ekki bara fötlun,“ segir Freyja og bendir fólki um leið á skylduna að gera ávallt greinarmun á persónum og þáttum sem valda mismunun. Freyja er góð fyrirmynd og því er áhugavert að kanna hver hennar fyrirmynd er, fyrir utan fjölskyldumeðlimi. Það er Martin Luther King Jr. og eiginleikarnir sem hann stóð fyrir: Staðfesta, fórnfýsi, hugrekki og réttlæti. Draumur Freyju er samfélag á mismununar. Sjálf gerði það sem hún átti ekki að geta og tókst að sigrast á fordómum allt um kring. Hún þorði að eiga sér drauma og nýta fötlun sína öðrum til góðs. Þess vegna er fötlun forréttindi. Freyja er óvænt hetja á skjön við hefðina. „Ég fæddist inn í heim sem gerir engan veginn ráð fyrir mér …“ segir Freyja sem brýtur glansmyndir og verður hamingjusöm með því að taka að sér þýðingarmikið hlutverk í samfélaginu.

- Gunnar Hersveinn, Morgunblaðinu

Nýjustu færslur

Eldri færslur

Bloggvinir

17.9.2007 | 19:36

Þá er ráðstefnan á enda og leggjum við í hann heim á morgun. Það er erfitt að útskýra síðustu tvo daga og kannski gerum við það betur þegar heim er komið. Í gær fórum við í portúgalskar sumarbúðir og unnum í hópum, secondary education, vocasional educational og higher education - ég var í higher og Sandra var í secondary education. Þar ræddum við ásamt öðrum með fötlun helstu framfarir, hindranir, lausnir og framtíðarsýn í skólamálum nemenda með sérþarfir. Við ræddum einnig um gildi náms án aðgreiningar.

Eftir langan vinnudag var okkur öllum svo ekið í lögreglufylgd á stað sem heitir Convento do Beato en þar var galakvöldverð haldinn mjög hátíðlega. Ég og Alma vorum gjörsamlega orðlausar. Salurinn var eins og uppgerður kastali, lifandi klassísk tónlist var spiluð undir borðhaldi, ávaxta- og ostaborðið var svo stórt að annað eins höfum við aldrei séð og stemningin var ólýsanleg. Ég held ég geti sagt að fallegri sal og byggingu hafi ég aldrei séð. Okkur leið hreinlega eins og í bíómynd, staðurinn var hálf óraunverulegur.

Gjörsamlega uppgefnar en í prinsessu-sæluvímu sofnuðum við eftir ósköpin og þurftum svo að vakna eldsnemma til að mæta í þinghús Portúgala þar sem voru fluttar niðurstöður gærdagsins. Ég var ein af þeim sem flutti þær úr mínum hópi og gekk það vel - þrátt fyrir ansi mikinn taugatitring af stressi. Allir hóparnir komu með frábæra punkta nemendum með sérþarfir til hagsbóta enda erum við sérfræðingar í eigin lífi. Við munum pottþétt deila þessu með ykkur betur en eins og er erum við að meðtaka gríðarlega þekkingu, púsla brotunum saman í hugunum og mynda heilsteypta mynd af þessari upplifun.

Efst í huga okkar situr ákveðin setning eftir daginn: What works for us, works for all.

Það er einmitt málið, þarfir þeirra sem lifa með fötlun er hagsmunamál allra - við getum öll, hvernig sem við erum, notið góðs af því að mæta þeim.

Við látum fylgja með færslunni nokkrar myndir og fleiri munu detta inn fljótlega.

Takk fyrir allar heimsóknirnar, ekki vera feimin/nn við að kvitta.

Flokkur: Bloggar | Facebook

Athugasemdir

Boa noite!

Dásamlegt, galakvöldverðurinn hefur aldeilis verið upplifun og ég hlakka til að heyra meira um ráðstefnuna og niðurstöður hennar.

Héðan senda allir bestu kveðjur!

Saudacoes e beijos,

Árný

Árný (IP-tala skráð) 17.9.2007 kl. 22:16

Gaman að heyra að allt hafi gengið svona vel! Hlakka til að heyra meira :) Kveðja úr Melhæðinni, Huld.

Huld Hafsteinsdóttir (IP-tala skráð) 18.9.2007 kl. 09:20

hæhæ,

gaman að fylgjast með ferðinni í Portúgal,

jamm mar er kominn í framboð hehe en ákvað að geyma

forsetaframboðið, byrja bara að bjóða mig fram sem fulltrúa nýnema í stúdentaráði:)

bestu kveðjur af klakanum

Bjössi

Björn Magnússon (IP-tala skráð) 18.9.2007 kl. 15:41

hæhæ skvísur, gaman að heyra og sjá hvað allt gekk vel hjá ykkur. Hlakka til að sjá ykkur á eftir. góða ferð heim

kv. Heiða

Heiða Björk (IP-tala skráð) 18.9.2007 kl. 16:33

Velkomnar heim :)

Hlakka til að heyra fleiri sögur og skoða myndir.

Kv.

Björg Elva

Bjorg Elva (IP-tala skráð) 19.9.2007 kl. 19:25

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Postulín

Efni