,,Þetta er fyrir fólk í hjólastólum SKO”

Það var lítil rúmlega tveggja ára frænka mín sem var ein af þeim fyrstu sem gerði þá tilraun að skipa mér að standa upp fyrir þremur árum síðan. Hún var búin að biðja mig um að koma og sjá eitthvað nokkrum sinnum, sem ég var ekki fær um og bað hana því að koma og sýna mér. hún fékk nóg af þeirri leti og sagði alvarlega og skipandi ,,Stattu upp!"

Ég útskýrði fyrir henni að ég gæti það ekki á eins einfaldan hátt og ég gat og hefur það ekki verið til umræðu síðan - þ.e.a.s. að ég standi upp. Það hefur þó verið áberandi að hún virðist ekki sjá fötlunina og fylgihluti hennar - hún horfir einfaldlega fram hjá þeim.

Ég sótti hana á leikskólann um daginn og vinkona hennar kemur upp að mér og spyr ,,Af hverju ertu svona?" Ég útlista því hugsunarlaust fyrir dömunni en verður svo litið á frænku mína sem er með ,,um hvað ertu þú að tala" undrunarsvip á andlitinu og spurningamerki á augunum sem beindust stíft að vinkonunni.

Við fórum saman í bústað daginn eftir og allt í einu fóru að koma spurningar um hitt og þetta ,,Hvernig tannburstar þú þig? Er hausinn á þér fastur hérna megin? Af hverju þarf að skera matinn?" o.fl. sem eru eðlilegar spurningar undir öllum kringumstæðum barna, en kannski ekki algengar frá henni. Ég hugsaði með mér að hún væri kannski að uppgötva fötlun mína almennilega þarna og kippti mér ekkert sérstaklega upp við það.

En svo sótti ég skvísuna aftur í gær og ákvað hún að koma með mér í smá stúss. Í Kringlunni þurftum við að sjálfsögðu að finna okkur bílastæði og leggur aðstoðarkona mín í eitt slíkt, blátt með hvítum karli á í hjólastól. Nú, tæplega fimm ára, gjörsamlega gapti frænka mín og spurði aðstoðarkonu mína frekar reið: ,,Hvað ertu að gera? Af hverju ertu að leggja í þetta stæði? Þetta er fyrir fólk í hjólastólum SKO!"

Að reyna að halda andliti spyr aðstoðarkona mín ,,Er ekki einhver i hjólastól í þessum bíl?"

Þögn.

Það er nákvæmlega á þessum augnablikum sem ég minni mig á hversu mikið börn hafa fram yfir fullorðna. Það er á nákvæmlega þessum augnablikum sem ég átta mig á að ef fólk tæki sér svona víða hugsun til fyrirmyndar stæðum við ekki frammi fyrir öllum þeim fordómum og því ójafnrétti sem einkennir ákveðin hluta samfélaga. Það er á nákvæmlega þessum augnablikum sem ég geri mig grein fyrir því af hverju ég fer alltaf, aftur og aftur, að vinna með börnum.

Það er nákvæmlega á þessum augnablikum sem ég er bara Freyja - allt annað gera litlir töframenn ósýnilegt!

- Freyja

Athugasemdir

[Dísa Dóra, 24.6.2008 kl. 20:14]

Börn eru svo yndislega fordómalaus og klár.  Því miður breytist það allt of fljótt.

[Sigurbjörg Guðleif, 24.6.2008 kl. 21:43]

Já ég er sammála það breytist allt of fljótt. Hafðu það sem best í sólinni:)

[Agnes Ólöf Thorarensen, 24.6.2008 kl. 23:12]

Yndislegust hún frænka þín....

[Guðrún unnur þórsdóttir, 25.6.2008 kl. 00:36]

já börn eru yndisleg  

[Embla Ágústsdóttir, 25.6.2008 kl. 00:55]

Þau eru svo yndislega falleg þessi börn

[Rannveig Magnúsdóttir (IP-tala skráð) 25.6.2008 kl. 08:14]

Frábær frænka þín :) Til hamingju með afmælið í dag elsku Freyja, risaknús....

[jón og magga (IP-tala skráð) 25.6.2008 kl. 13:34]

börn eru æði þegar kemur að þessu

[jón og magga (IP-tala skráð) 25.6.2008 kl. 13:36]

Og til hamingju með afmælið

[Rúna Guðfinnsdóttir, 25.6.2008 kl. 14:19]

Ég var að reyna að lýsa dreng fyrir syni mínum. "Hann er eiginlega svartur á húðina" sagði ég og þótti það eiginlega lýsa öllu sem þyrfti...en sonurinn var eitt spurningarmerki. En þegar ég sagði honum að pabbi hans ætti fjórhjól og stóran hund...þá kveikti minn maður... já...hann Siggi...hvers vegna sagðir þú þetta ekki fyrr?

[Huld Hafsteinsdóttir (IP-tala skráð) 25.6.2008 kl. 15:49]

Góður pistill um yndislega frænku okkar :) Ef allir hugsuðu svona...

[Svala Erlendsdóttir, 25.6.2008 kl. 18:36]

Nú skelli hló ég.  "Þetta er fyrir fólk í Hjólastólum" Bara yndisleg þessi frænka þín

[Halla Rut , 25.6.2008 kl. 18:47]

Yndisleg færsla Freyja.

Svona eru börnin áður en við náum að spilla þeim með okkar fordómum og stöðluðu myndum af því hvernig manneskjan "á að vera".

[E.R Gunnlaugs, 25.6.2008 kl. 20:42]

stundum eigum við hreinlega að halda í barnið í okkur :)

[Árný (IP-tala skráð) 25.6.2008 kl. 21:50]

Já, börnin læra líka það sem fyrir þeim er haft........... að eiga svona frábæra frænku eins og þig hefur gefið henni dýrmætt veganesti út í lífið.

[Ása Hildur Guðjónsdóttir, 25.6.2008 kl. 22:37]

Yndisleg saga Takk fyrir

[Berglind Elva (IP-tala skráð) 27.6.2008 kl. 00:11]

Snilldar færsla og kennir okkur mikið.

ekki hægt annað að brosa af þessari yndislegu frænku þinni.

[Huld Hafsteinsdóttir (IP-tala skráð) 28.6.2008 kl. 19:19]

Til hamingju með afmælið kæra frænka! Knús og kossar frá Hannover!

[Ína Valsdóttir, 29.6.2008 kl. 00:02]

Já þessi börn geta verðið Yndisleg. Ég kannast sjálf við þetta. Ég sem á nú 10. systkinni og 36. frændsystkinni.

[Heiða Björk Ingvarsdóttir, 2.7.2008 kl. 01:57]

haha.. krúttið. Hún er nú engum lík hún frænka þín, alveg yndisleg.

[Ásta , 3.7.2008 kl. 09:25]

Svo satt ... það er oft gaman að fylgjast með því hvað þau horfa allt öðrum augum á veröldina.

[Margrét Össurardóttir (IP-tala skráð) 3.7.2008 kl. 21:53]

Góður pistill hjá þér Freyja líkt og endranær. Skynsöm þessi frænka þín greinilega, hafðu það gott.

[Lovísa , 5.7.2008 kl. 13:07]

Æðisleg færsla

[Olga Björt (IP-tala skráð) 5.7.2008 kl. 19:13]

Ji, Freyja. Þetta er með yndislegustu færslum sem ég hef lesið. Meira krúttið hún frænka þín. Það er eins og þú segir, börnin hafa þetta fram yfir okkur fullorðna fólkið að líta framhjá ótrúlegustu hlutum, eiginleikum og öðru sem við rýnum of mikið í og búum til fordóma út af.

 Vonandi hefur þú það yndislegt í sumar.

Kær kveðja

[Fríða , 7.7.2008 kl. 02:38]

Æðisleg færsla hjá þér og kennir manni mikið...Og sérstaklega hvað börn eru yndisleg og hún frænka þín er skynsöm 5 ára skvís