Ekki lítil – heldur lágvaxin - almaogfreyja.blog.is

Heimsóknir

Flettingar

Í dag (21.11.): 0
Sl. sólarhring:
Sl. viku: 1
Frá upphafi: 0

Annað

Innlit í dag: 0
Innlit sl. viku: 1
Gestir í dag: 0
IP-tölur í dag: 0

Uppfært á 3 mín. fresti.
Skýringar

Höfundur

Alma Guðmundsdóttir og Freyja Haraldsdóttir

Velkomin á síðuna okkar!

„ÞAÐ eru forréttindi að lifa með fötlun,“ er ögrandi fullyrðing sem Freyja Haraldsdóttir setur fram í bókinni Postulín sem hún skrifar með vinkonu sinni Ölmu Guðmundsdóttur. Fullyrðingin hljómar glannalega enda efaðist Freyja sjálf um hana. Og þó – oft felur sannleikurinn sig í því sem sýnist vera öfugmæli. Fullyrðingin er hugarhögg því hún kemur róti á hefðbundnar skoðanir – en reynist rétt vegna þess að Freyja hafði tekið ákvörðun um að vera hamingjusöm og hún vill einnig hjálpa öðrum til að sjá leiðina til hamingjunnar. Sársaukinn hefur verið skuggi Freyju frá fæðingu því hún fæddist með genagalla (OI) sem veldur því að bein hennar eru svo viðkvæm að þau geta hrokkið í sundur af litlu tilefni. „Ég var sú eina á Íslandi með OI á svo al varlegu stigi og því var engin reynsla af tilfellum eins og mínu.“ (48). Flestir gera tilraun til að feta vænlega slóð í lífinu til að höndla hina eftirsóknarverðu hamingju en slóð Freyju kostaði strit, puð og púl. „… upp á hvern einasta dag legg ég mig fram um það verkefni. Suma daga er það leikur einn og gengur eins og í sögu, en aðra daga þarf ég að beita öllu mínu hugarafli til að skrika ekki fótur og detta ofan í holuna.“ (235). Bókin Postulín á erindi til allra sem leita hamingjunnar því hún er vitnisburður um einstakling og fjölskyldu sem tekst með einstökum hætti að sigrast á mótlæti. „Ég er manneskja, ekki bara fötlun,“ segir Freyja og bendir fólki um leið á skylduna að gera ávallt greinarmun á persónum og þáttum sem valda mismunun. Freyja er góð fyrirmynd og því er áhugavert að kanna hver hennar fyrirmynd er, fyrir utan fjölskyldumeðlimi. Það er Martin Luther King Jr. og eiginleikarnir sem hann stóð fyrir: Staðfesta, fórnfýsi, hugrekki og réttlæti. Draumur Freyju er samfélag á mismununar. Sjálf gerði það sem hún átti ekki að geta og tókst að sigrast á fordómum allt um kring. Hún þorði að eiga sér drauma og nýta fötlun sína öðrum til góðs. Þess vegna er fötlun forréttindi. Freyja er óvænt hetja á skjön við hefðina. „Ég fæddist inn í heim sem gerir engan veginn ráð fyrir mér …“ segir Freyja sem brýtur glansmyndir og verður hamingjusöm með því að taka að sér þýðingarmikið hlutverk í samfélaginu.

- Gunnar Hersveinn, Morgunblaðinu

Nýjustu færslur

Eldri færslur

Bloggvinir

Ekki lítil – heldur lágvaxin

21.6.2008 | 23:26

Ég skrapp í búð í dag eftir sólbaðsmaraþon mikið og hitti þar systkini sem voru á leikskóla sem ég vann á. Það var ótrúlega gaman að hitta þau og sögðu þau mér stolt að þau væru ekki lengur leikskólabörn heldur á leiðinni í fyrsta bekk grunnskólagöngunnar. Mikið afrek það, en ekki hvað?

Eitt þeirra var augljóslega búið að gleyma smæð minni og minntist á að ég væri nú ekkert sérlega stór, ég væri hreinlega lítil. Mér brá að sjálfsögðu ekki nokkurn skapaðan hlut við þessa athugasemd sem er nánast daglegt brauð í mínu lífi. Það voru þó ekki allir á eitt sáttir og heyrðist í öðru systkininu ,,Nei, nei, hún er ekkert lítil, hún er lágvaxin."

Ég hef síðustu árin náð að sættast vel við að vera lítil - en ég er sko miklu sáttari við að vera lágvaxin!

Sumar-lágvaxtar-kveðja,

Freyja

Flokkur: Bloggar | Facebook

Athugasemdir

Hólmdís Hjartardóttir, 21.6.2008 kl. 23:56

Haha snilld. Ég er lágvaxin og feitlaginn en segi samt þegar ég fæ athugasemd yfir holdarfari mínu að ég sé ekki feit heldur bara of lágvaxin

Sigurbjörg Guðleif, 22.6.2008 kl. 00:14

já algjör snilld,ég er lágvaxinn karlmaður og hef aldrei þótt það neitt mál en ég hef húmor sem betur fer og segi oft í góðre vina hópi að ég sé hæðaskertur!

eggert rúnar birgisson (IP-tala skráð) 22.6.2008 kl. 00:22

Já, börnin oft með yndislegar athugasemdir.Mér fynnst orðið hæðaskertur frábært. Hvar eru hæðamörkin?

Elísabet Sigmarsdóttir, 22.6.2008 kl. 01:37

Voða var þetta sæt og kurteisleg athugasemd

Rúna Guðfinnsdóttir, 22.6.2008 kl. 02:42

Vel athugað hjá stúlkunni :)

Huld Hafsteinsdóttir (IP-tala skráð) 22.6.2008 kl. 09:43

Eða hinu systkininu meina ég, fannst e-n veginn eins og það væri stelpa sem hefði sagt þetta :) Kveðja heim :*

Huld Hafsteinsdóttir (IP-tala skráð) 22.6.2008 kl. 09:44

Börn eru svo yndislega hreinskilin og maður getur nú ekki tekið nærri sér athugasemdir þeirra þó sennilega yrðu þær særandi frá fullorðnu fólki. Mér finnst lágvaxin flott orð og frábært að svo ung börn skuli koma með slíkt orð

Dísa Dóra, 22.6.2008 kl. 10:38

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Postulín

Efni