Góða helgi

Heimsóknir

Flettingar

Í dag (21.11.): 0
Sl. sólarhring:
Sl. viku: 1
Frá upphafi: 0

Annað

Innlit í dag: 0
Innlit sl. viku: 1
Gestir í dag: 0
IP-tölur í dag: 0

Uppfært á 3 mín. fresti.
Skýringar

Höfundur

Alma Guðmundsdóttir og Freyja Haraldsdóttir

Velkomin á síðuna okkar!

„ÞAÐ eru forréttindi að lifa með fötlun,“ er ögrandi fullyrðing sem Freyja Haraldsdóttir setur fram í bókinni Postulín sem hún skrifar með vinkonu sinni Ölmu Guðmundsdóttur. Fullyrðingin hljómar glannalega enda efaðist Freyja sjálf um hana. Og þó – oft felur sannleikurinn sig í því sem sýnist vera öfugmæli. Fullyrðingin er hugarhögg því hún kemur róti á hefðbundnar skoðanir – en reynist rétt vegna þess að Freyja hafði tekið ákvörðun um að vera hamingjusöm og hún vill einnig hjálpa öðrum til að sjá leiðina til hamingjunnar. Sársaukinn hefur verið skuggi Freyju frá fæðingu því hún fæddist með genagalla (OI) sem veldur því að bein hennar eru svo viðkvæm að þau geta hrokkið í sundur af litlu tilefni. „Ég var sú eina á Íslandi með OI á svo al varlegu stigi og því var engin reynsla af tilfellum eins og mínu.“ (48). Flestir gera tilraun til að feta vænlega slóð í lífinu til að höndla hina eftirsóknarverðu hamingju en slóð Freyju kostaði strit, puð og púl. „… upp á hvern einasta dag legg ég mig fram um það verkefni. Suma daga er það leikur einn og gengur eins og í sögu, en aðra daga þarf ég að beita öllu mínu hugarafli til að skrika ekki fótur og detta ofan í holuna.“ (235). Bókin Postulín á erindi til allra sem leita hamingjunnar því hún er vitnisburður um einstakling og fjölskyldu sem tekst með einstökum hætti að sigrast á mótlæti. „Ég er manneskja, ekki bara fötlun,“ segir Freyja og bendir fólki um leið á skylduna að gera ávallt greinarmun á persónum og þáttum sem valda mismunun. Freyja er góð fyrirmynd og því er áhugavert að kanna hver hennar fyrirmynd er, fyrir utan fjölskyldumeðlimi. Það er Martin Luther King Jr. og eiginleikarnir sem hann stóð fyrir: Staðfesta, fórnfýsi, hugrekki og réttlæti. Draumur Freyju er samfélag á mismununar. Sjálf gerði það sem hún átti ekki að geta og tókst að sigrast á fordómum allt um kring. Hún þorði að eiga sér drauma og nýta fötlun sína öðrum til góðs. Þess vegna er fötlun forréttindi. Freyja er óvænt hetja á skjön við hefðina. „Ég fæddist inn í heim sem gerir engan veginn ráð fyrir mér …“ segir Freyja sem brýtur glansmyndir og verður hamingjusöm með því að taka að sér þýðingarmikið hlutverk í samfélaginu.

- Gunnar Hersveinn, Morgunblaðinu

Nýjustu færslur

Eldri færslur

Bloggvinir

7.3.2008 | 14:23

Það mætti halda að það væri gúrkutíð hér á bæjum en svo er ekki - það gefst einfaldlega lítill tími til að hripa niður nokkur orð. Við erum báðar á fullu í náminu, upplestrum, ég í fyrirlestrum og Alma í námskeiðahaldi sem er heldur betur að vinda upp á sig og mikill áhugi hefur beinst að.

Upp á síðkastið höfum við heimsótt Réttarholtsskóla, Hjallaskóla og Langholtsskóla og munum heimsækja Hamraskóla í næstu viku. Þetta eru búnar að vera frábærar stundir sem við höfum átt með nemendum og oftar en ekki setið heillengi í umræðunum þar sem allt milli himins og jarðar er rætt. Þessar heimsóknir hafa gefið okkur Ölmu heilmikið og við búnar að læra jafnmikið og nemendur af okkar fræðslu.

Sjálf hef ég verið út um víðan völl með fyrirlestra - fór í FVA í síðustu viku á þemadaga, Svæðisskrifstofu málefna fatlaðra á Vesturlendi (Borgarnesi) þar sem ég var fyrirlestur um þá þjónustu sem ég hef í dag og var einnig með fræðslu á námskeiði fyrir foreldra barna með sérþarfir sem eru að hefja skólagöngu. Ég var farin að sakna fyrirlestrana sem hafa þurft að víkja fyrir upplestrum og náminu og því var voða notalegt að dusta af mér rykið í þeim bransanum.

Annars ætla ég að leyfa ykkur að fara inn í helgina með sama brosið og þessi töffari hér að neðan. Ég kynntist honum á OI ráðstefnunni 2004 og er hann einn sá mesti sjarmör sem ég hef kynnst um ævina. Ég fann þetta ,,myndband" af algerri tilviljun þegar ég kíkti inn á YouTube um daginn - ég held að það fari ekki fram hjá nokkrum manni eftir áhorfið að brothætt bein, gifs, hjólastóll og annað vesen þarf ekki að koma í veg fyrir hamingju, þátttöku og gleði.

Góða helgi

- Freyja

Flokkur: Bloggar | Breytt s.d. kl. 14:25 | Facebook

Athugasemdir

Hann er bara yndislegur og þetta bros gjörsamlega bræðir mann

Dísa Dóra, 7.3.2008 kl. 15:33

Ji, ég sit bara með kökkinn í hálsinum eftir að horfa á þennan engil! Yndislegur :) Sjáumst bráðlega, Huld.

Huld Hafsteinsdóttir (IP-tala skráð) 7.3.2008 kl. 16:23

Kanteruð snilld að sjá.

Takk fyrir að ~nenna~ að gefa svona mikið af þér til okkar hinna, (eins & únglíngarnir segja gjarnan), & mikið held ég að við hin líka séum að læra af þér.

Steingrímur Helgason, 7.3.2008 kl. 21:15