Myndir segja meira en þúsund orð

Heimsóknir

Flettingar

Í dag (21.11.): 0
Sl. sólarhring:
Sl. viku: 1
Frá upphafi: 0

Annað

Innlit í dag: 0
Innlit sl. viku: 1
Gestir í dag: 0
IP-tölur í dag: 0

Uppfært á 3 mín. fresti.
Skýringar

Höfundur

Alma Guðmundsdóttir og Freyja Haraldsdóttir

Velkomin á síðuna okkar!

„ÞAÐ eru forréttindi að lifa með fötlun,“ er ögrandi fullyrðing sem Freyja Haraldsdóttir setur fram í bókinni Postulín sem hún skrifar með vinkonu sinni Ölmu Guðmundsdóttur. Fullyrðingin hljómar glannalega enda efaðist Freyja sjálf um hana. Og þó – oft felur sannleikurinn sig í því sem sýnist vera öfugmæli. Fullyrðingin er hugarhögg því hún kemur róti á hefðbundnar skoðanir – en reynist rétt vegna þess að Freyja hafði tekið ákvörðun um að vera hamingjusöm og hún vill einnig hjálpa öðrum til að sjá leiðina til hamingjunnar. Sársaukinn hefur verið skuggi Freyju frá fæðingu því hún fæddist með genagalla (OI) sem veldur því að bein hennar eru svo viðkvæm að þau geta hrokkið í sundur af litlu tilefni. „Ég var sú eina á Íslandi með OI á svo al varlegu stigi og því var engin reynsla af tilfellum eins og mínu.“ (48). Flestir gera tilraun til að feta vænlega slóð í lífinu til að höndla hina eftirsóknarverðu hamingju en slóð Freyju kostaði strit, puð og púl. „… upp á hvern einasta dag legg ég mig fram um það verkefni. Suma daga er það leikur einn og gengur eins og í sögu, en aðra daga þarf ég að beita öllu mínu hugarafli til að skrika ekki fótur og detta ofan í holuna.“ (235). Bókin Postulín á erindi til allra sem leita hamingjunnar því hún er vitnisburður um einstakling og fjölskyldu sem tekst með einstökum hætti að sigrast á mótlæti. „Ég er manneskja, ekki bara fötlun,“ segir Freyja og bendir fólki um leið á skylduna að gera ávallt greinarmun á persónum og þáttum sem valda mismunun. Freyja er góð fyrirmynd og því er áhugavert að kanna hver hennar fyrirmynd er, fyrir utan fjölskyldumeðlimi. Það er Martin Luther King Jr. og eiginleikarnir sem hann stóð fyrir: Staðfesta, fórnfýsi, hugrekki og réttlæti. Draumur Freyju er samfélag á mismununar. Sjálf gerði það sem hún átti ekki að geta og tókst að sigrast á fordómum allt um kring. Hún þorði að eiga sér drauma og nýta fötlun sína öðrum til góðs. Þess vegna er fötlun forréttindi. Freyja er óvænt hetja á skjön við hefðina. „Ég fæddist inn í heim sem gerir engan veginn ráð fyrir mér …“ segir Freyja sem brýtur glansmyndir og verður hamingjusöm með því að taka að sér þýðingarmikið hlutverk í samfélaginu.

- Gunnar Hersveinn, Morgunblaðinu

Nýjustu færslur

Eldri færslur

Bloggvinir

Myndir segja meira en þúsund orð

30.11.2007 | 20:44

Snillingurinn hann Hlynur Hafsteinsson frændi minn tók ljósmyndir í útgáfugleðinni okkar í gær og viljum við deila nokkrum með ykkur. Ef þið viljið sjá fleiri myndir eftir Hlyn endilega smellið hér.

Útstilling í glugga fyrir útgáfugleðina í bókabúðina Iðu

Í viðtali hjá Ellý í Sviðsljósinu

Að árita fyrir eina af mínum bestu vinkonum með hjálp Ölmu.

Aðeins of busy til þess að horfa í linsuna en.... sætar samt og mjög hamingjusamar með yndislegt kvöldið!

Flokkur: Bloggar | Breytt s.d. kl. 20:47 | Facebook

Athugasemdir

Takk fyrir boðið í útgáfuteitið! Hefði mikið viljað vera með ykkur á þessum gleðidegi! Í staðinn er ég búin að liggja yfir bókinni, kláraði hana á einum degi og langar að lesa hana aftur! Vel skrifuð í alla staði og gaman (og erfitt) að fara aftur í tímann með þér Freyja. Sakna þín Freyja mín, haltu svona áfram!

Þín frænka, Huld.

Huld Hafsteinsdóttir (IP-tala skráð) 30.11.2007 kl. 21:36

Sæl Freyja,

Til hamingju með bókina þína og Ölmu. Er búin að fjárfesta í eintaki og get ekki beðið eftir að byrja að lesa.

Ég hef fylgst með þér gegnum tíðina þó ég þekki þig ekki. Þú gefur svo mikið af þér að eftir er tekið.

Margrét (IP-tala skráð) 1.12.2007 kl. 08:55

Hæ hæ,

Missti af ykkur í gær, hvar get ég fengið áritun í vikunni ? Frábært ef ég veit fyrirfram hvar og hvenær ég næ ykkur, orðin mjög spennt að lesa bókina en langar í áritun.

Bk Alla

Aðalheiður Þórisdóttir (IP-tala skráð) 2.12.2007 kl. 21:07

Til hamingju með bókina og útgáfuteitið! Mikið hefði ég vilja koma og takk kærlega fyrir boðið. Gaman að geta séð myndirnar og heyra að þið skemmtuð ykkur vel. Hlakka til að sjá ykkur norðan heiða fljótlega....

Karen:)

Karen (IP-tala skráð) 3.12.2007 kl. 13:28

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Postulín

Efni

Heimsóknir

Flettingar

Annað

Höfundur

Nýjustu færslur

Eldri færslur

Bloggvinir

Myndir segja meira en þúsund orð

Athugasemdir

Bæta við athugasemd [Innskráning]

Innskráning

Innskráning: