Bréf frá hlustanda

Heimsóknir

Flettingar

Í dag (21.11.): 0
Sl. sólarhring:
Sl. viku: 1
Frá upphafi: 0

Annað

Innlit í dag: 0
Innlit sl. viku: 1
Gestir í dag: 0
IP-tölur í dag: 0

Uppfært á 3 mín. fresti.
Skýringar

Höfundur

Alma Guðmundsdóttir og Freyja Haraldsdóttir

Velkomin á síðuna okkar!

„ÞAÐ eru forréttindi að lifa með fötlun,“ er ögrandi fullyrðing sem Freyja Haraldsdóttir setur fram í bókinni Postulín sem hún skrifar með vinkonu sinni Ölmu Guðmundsdóttur. Fullyrðingin hljómar glannalega enda efaðist Freyja sjálf um hana. Og þó – oft felur sannleikurinn sig í því sem sýnist vera öfugmæli. Fullyrðingin er hugarhögg því hún kemur róti á hefðbundnar skoðanir – en reynist rétt vegna þess að Freyja hafði tekið ákvörðun um að vera hamingjusöm og hún vill einnig hjálpa öðrum til að sjá leiðina til hamingjunnar. Sársaukinn hefur verið skuggi Freyju frá fæðingu því hún fæddist með genagalla (OI) sem veldur því að bein hennar eru svo viðkvæm að þau geta hrokkið í sundur af litlu tilefni. „Ég var sú eina á Íslandi með OI á svo al varlegu stigi og því var engin reynsla af tilfellum eins og mínu.“ (48). Flestir gera tilraun til að feta vænlega slóð í lífinu til að höndla hina eftirsóknarverðu hamingju en slóð Freyju kostaði strit, puð og púl. „… upp á hvern einasta dag legg ég mig fram um það verkefni. Suma daga er það leikur einn og gengur eins og í sögu, en aðra daga þarf ég að beita öllu mínu hugarafli til að skrika ekki fótur og detta ofan í holuna.“ (235). Bókin Postulín á erindi til allra sem leita hamingjunnar því hún er vitnisburður um einstakling og fjölskyldu sem tekst með einstökum hætti að sigrast á mótlæti. „Ég er manneskja, ekki bara fötlun,“ segir Freyja og bendir fólki um leið á skylduna að gera ávallt greinarmun á persónum og þáttum sem valda mismunun. Freyja er góð fyrirmynd og því er áhugavert að kanna hver hennar fyrirmynd er, fyrir utan fjölskyldumeðlimi. Það er Martin Luther King Jr. og eiginleikarnir sem hann stóð fyrir: Staðfesta, fórnfýsi, hugrekki og réttlæti. Draumur Freyju er samfélag á mismununar. Sjálf gerði það sem hún átti ekki að geta og tókst að sigrast á fordómum allt um kring. Hún þorði að eiga sér drauma og nýta fötlun sína öðrum til góðs. Þess vegna er fötlun forréttindi. Freyja er óvænt hetja á skjön við hefðina. „Ég fæddist inn í heim sem gerir engan veginn ráð fyrir mér …“ segir Freyja sem brýtur glansmyndir og verður hamingjusöm með því að taka að sér þýðingarmikið hlutverk í samfélaginu.

- Gunnar Hersveinn, Morgunblaðinu

Nýjustu færslur

Eldri færslur

Bloggvinir

10.10.2007 | 14:07

Þetta bréf barst frá hlustanda eftir viðtalið á sunnudag;

Sæl Valdís, ég ætlaði að þakka þér fyrir viðtalið við Freyju
Haraldsdóttur. Hún er sönn HETJA,þvílíkt sem hún gaf til manns í þessu
viðtali. Maður er hrærður og snortinn yfir því sem hún hafði að gefa til
manns. Ég hef verið að ræða um þetta viðtal við fólk, sem einnig heyrði
þetta viðtal, og allir eru þessum orðum hér að framanrituðu sammála. Það
væri öllum mannbætandi að hlusta á þessa ungu stúlku. Ætla að panta
bókina í jólagjöf, vel lesið úr bókinni hjá Ölmu. Kærar þakkir.

Það er mikils virði þegar fólk lætur í sér heyra..

Við þökkum kærlega fyrir okkur!!

Kærar kveðjur,

Alma og Freyja

Flokkur: Bloggar | Facebook

Athugasemdir

Bíð spennt eftir bókinni :)

Áslaug Ósk Hinriksdóttir, 10.10.2007 kl. 14:42

Var að klára að hlusta á viðtalið, alveg magnað... bíð spennt eftir bókinni...

Eygló , 10.10.2007 kl. 18:47

Jahérna Þú er allveg einstök Freyja. Ég hlakka sko til að lesa bókina, ég ætla sko að mæla með henni við vini mína og ættingja. Hver veit nema þú endir á Þingi.

Ásta María H Jensen, 11.10.2007 kl. 10:08

Búin að setja bókina á óskalistann.

Bergdís Rósantsdóttir, 11.10.2007 kl. 22:15

sæl Freyja mín,þú ert algjör hetja ,ert svo jákvæð með þessa yndislega útgeyslun,hlakka til að lesa bókin,og yndislegt að vita hvað þú átt góða vinkonu,óska þér góða helgi,já Alma þú ert góð vinkona,hennar ,:::Gaman að sjá myndirnar þínar Freyja mín kv ólöf

lady, 12.10.2007 kl. 11:22

Get varla beðið eftir bókinni. Er enn hægt að finna viðtalið á netinu? Ég missti af því.

Jóna Á. Gísladóttir, 13.10.2007 kl. 02:05

Takk fyrir það Jóna.

Já, það er enn hægt að hlusta á viðtalið: http://bylgjan.is/?PageID=1901

Kv. Freyja

Alma Guðmundsdóttir og Freyja Haraldsdóttir, 13.10.2007 kl. 09:44

Elsku Freyja. Ég var að hlusta á þáttinn á netinu og langar að hrósa þér fyrir einlæga og yndislega framgöngu (eins og alltaf) og að þú hreyfðir svo mikið við mér með svo margt í viðbót við það sem þú hefur gert hingað til.

Gangi þér áfram vel með allt sem þú ert að gera, upptekna kona.

Kær kveðja

Olga Björt

Olga Björt (IP-tala skráð) 13.10.2007 kl. 10:37

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Postulín