Viðtalið komið á netið

Heimsóknir

Flettingar

Í dag (21.11.): 0
Sl. sólarhring:
Sl. viku: 1
Frá upphafi: 0

Annað

Innlit í dag: 0
Innlit sl. viku: 1
Gestir í dag: 0
IP-tölur í dag: 0

Uppfært á 3 mín. fresti.
Skýringar

Höfundur

Alma Guðmundsdóttir og Freyja Haraldsdóttir

Velkomin á síðuna okkar!

„ÞAÐ eru forréttindi að lifa með fötlun,“ er ögrandi fullyrðing sem Freyja Haraldsdóttir setur fram í bókinni Postulín sem hún skrifar með vinkonu sinni Ölmu Guðmundsdóttur. Fullyrðingin hljómar glannalega enda efaðist Freyja sjálf um hana. Og þó – oft felur sannleikurinn sig í því sem sýnist vera öfugmæli. Fullyrðingin er hugarhögg því hún kemur róti á hefðbundnar skoðanir – en reynist rétt vegna þess að Freyja hafði tekið ákvörðun um að vera hamingjusöm og hún vill einnig hjálpa öðrum til að sjá leiðina til hamingjunnar. Sársaukinn hefur verið skuggi Freyju frá fæðingu því hún fæddist með genagalla (OI) sem veldur því að bein hennar eru svo viðkvæm að þau geta hrokkið í sundur af litlu tilefni. „Ég var sú eina á Íslandi með OI á svo al varlegu stigi og því var engin reynsla af tilfellum eins og mínu.“ (48). Flestir gera tilraun til að feta vænlega slóð í lífinu til að höndla hina eftirsóknarverðu hamingju en slóð Freyju kostaði strit, puð og púl. „… upp á hvern einasta dag legg ég mig fram um það verkefni. Suma daga er það leikur einn og gengur eins og í sögu, en aðra daga þarf ég að beita öllu mínu hugarafli til að skrika ekki fótur og detta ofan í holuna.“ (235). Bókin Postulín á erindi til allra sem leita hamingjunnar því hún er vitnisburður um einstakling og fjölskyldu sem tekst með einstökum hætti að sigrast á mótlæti. „Ég er manneskja, ekki bara fötlun,“ segir Freyja og bendir fólki um leið á skylduna að gera ávallt greinarmun á persónum og þáttum sem valda mismunun. Freyja er góð fyrirmynd og því er áhugavert að kanna hver hennar fyrirmynd er, fyrir utan fjölskyldumeðlimi. Það er Martin Luther King Jr. og eiginleikarnir sem hann stóð fyrir: Staðfesta, fórnfýsi, hugrekki og réttlæti. Draumur Freyju er samfélag á mismununar. Sjálf gerði það sem hún átti ekki að geta og tókst að sigrast á fordómum allt um kring. Hún þorði að eiga sér drauma og nýta fötlun sína öðrum til góðs. Þess vegna er fötlun forréttindi. Freyja er óvænt hetja á skjön við hefðina. „Ég fæddist inn í heim sem gerir engan veginn ráð fyrir mér …“ segir Freyja sem brýtur glansmyndir og verður hamingjusöm með því að taka að sér þýðingarmikið hlutverk í samfélaginu.

- Gunnar Hersveinn, Morgunblaðinu

Nýjustu færslur

Eldri færslur

Bloggvinir

8.10.2007 | 17:59

Sælt gott fólk

Mikið er veðrið yndislegt þessa dagana, eitthvað annað en rokið og rigningin. Það er vonandi að það haldist!

Viðtalið á Bylgjunni hjá Valdísi Gunnars er nú komið á netið og getið þið smellt hér til að hlusta. Alma kom inn í síðasta hluta viðtalsins og las upp úr bókinni svo þetta var fjölbreytt og notaleg morgunstund. Bakið er komið í gott horf, held þetta hafi verið afleiðing af miklu hamri á lyklaborðið á tölvunni og stressi. Ótrúlegt en satt fæ ég stundum í bakið af stressi.

Annars er allt á fullu, við að lesa yfir fyrir umbrotið, vorum að velja myndir til að hafa inn í bókinni hjá Sölku í dag og erum í stöðugum pælingum í sambandi við kápuna. Þetta er allt mjög spennandi og við höldum ótrauðar áfram.

Við höldum ykkur upplýstum.

Njótið lífsins!

Flokkur: Bloggar | Facebook

Athugasemdir

halló stelpur mínar...

Ég mátti nú til að látas ykkur vita , en það hefur svo sannarlega rignt yfir mig pósti í gær og í dag, þar sem okkur öllum er þakkað fyrir þá gjöf sem við færðum á öldum ljósvkans í gærmorgun!

Ég sendi Ölmu póst frá manni sem eru fullur þakklætis og mikið væri gaman ef þið mynduð nú birta það fallega bréf á blogginu ykkar..

Gott að vita núna hvar þið eruð á bloggi, ég mun fylgjast með framvindu mála!

Kærar þakkir báðar tvær fyrir að kveikja kertaljós í hjörtum hlustenda minna á sunnudagsmorgun, og haldið ykkar striki..

Inní í hjartað mitt náðuð þið og þangað er erfitt að komast..

ástarþakkir stelpur..

kveðjur frá Hrafni til Freyju.

Valdís Gunnarsdóttir

Valdís Gunnarsdóttir (IP-tala skráð) 8.10.2007 kl. 18:21

Ég heyrði viðtalið auglýst og ákvað í framhaldinu að stilla vekjaraklukkuna á 9:00 á sunnudagsmorguninn til að hlusta og sé sko ekki eftir því. Virkilega fræðandi og skemmtilegt viðtal við þig Freyja og áhugavert að heyra Ölmu lesa kafla úr nýju bókinni.

Gangi ykkur vel stelpur!

Björg K. Sigurðardóttir, 8.10.2007 kl. 20:56

Yndislegt viðtal eins og við var að búast Freyja mín og nú þegar maður er búinn að heyra ponsu úr bókinni er maður auðvitað enn óþreyjufyllri að bíða!!!! Hlakka svoooo til að kaupa bókina og þú manst að ég er búin að panta áritun!!!

Kossar og knús elsku Freyja mín flotta

Særún

Særún (IP-tala skráð) 10.10.2007 kl. 10:55

Sælar, ég hlustaði á viðtalið við þig hjá Valdísi Freyja og fannst það afskaplega áhugavert. Ég hitti þig þegar þú komst í heimsókn í Hraðbraut og fluttir frábæran fyrirlestur og snertir hjarta mitt og hug og örugglega allra sem hlustuðu á þig. Þú setur ljós í líf fólks.

Ég hef oft hugsað til þín og dugnaðar þíns síðan þú komst hingað og var hugsi þegar þú fékkst þessa stóru spurningu um hverjir draumar þínir væru. Þú svaraðir því svo stórkostlega vel. Öll þurfum við víst að huga að því frá tíma til tíma.

Ég hlakka til að lesa bókina sem þið eruð að vinna að saman og langar að fá að fylgjast með þér og afrekum þínum í framtíðinni.

kær kveðja,

Jóhanna

Jóhanna Magnúsar- og Völudóttir , 10.10.2007 kl. 15:52

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Postulín