Annasöm helgi

Heimsóknir

Flettingar

Í dag (23.11.): 0
Sl. sólarhring: 1
Sl. viku: 1
Frá upphafi: 0

Annað

Innlit í dag: 0
Innlit sl. viku: 1
Gestir í dag: 0
IP-tölur í dag: 0

Uppfært á 3 mín. fresti.
Skýringar

Höfundur

Alma Guðmundsdóttir og Freyja Haraldsdóttir

Velkomin á síðuna okkar!

„ÞAÐ eru forréttindi að lifa með fötlun,“ er ögrandi fullyrðing sem Freyja Haraldsdóttir setur fram í bókinni Postulín sem hún skrifar með vinkonu sinni Ölmu Guðmundsdóttur. Fullyrðingin hljómar glannalega enda efaðist Freyja sjálf um hana. Og þó – oft felur sannleikurinn sig í því sem sýnist vera öfugmæli. Fullyrðingin er hugarhögg því hún kemur róti á hefðbundnar skoðanir – en reynist rétt vegna þess að Freyja hafði tekið ákvörðun um að vera hamingjusöm og hún vill einnig hjálpa öðrum til að sjá leiðina til hamingjunnar. Sársaukinn hefur verið skuggi Freyju frá fæðingu því hún fæddist með genagalla (OI) sem veldur því að bein hennar eru svo viðkvæm að þau geta hrokkið í sundur af litlu tilefni. „Ég var sú eina á Íslandi með OI á svo al varlegu stigi og því var engin reynsla af tilfellum eins og mínu.“ (48). Flestir gera tilraun til að feta vænlega slóð í lífinu til að höndla hina eftirsóknarverðu hamingju en slóð Freyju kostaði strit, puð og púl. „… upp á hvern einasta dag legg ég mig fram um það verkefni. Suma daga er það leikur einn og gengur eins og í sögu, en aðra daga þarf ég að beita öllu mínu hugarafli til að skrika ekki fótur og detta ofan í holuna.“ (235). Bókin Postulín á erindi til allra sem leita hamingjunnar því hún er vitnisburður um einstakling og fjölskyldu sem tekst með einstökum hætti að sigrast á mótlæti. „Ég er manneskja, ekki bara fötlun,“ segir Freyja og bendir fólki um leið á skylduna að gera ávallt greinarmun á persónum og þáttum sem valda mismunun. Freyja er góð fyrirmynd og því er áhugavert að kanna hver hennar fyrirmynd er, fyrir utan fjölskyldumeðlimi. Það er Martin Luther King Jr. og eiginleikarnir sem hann stóð fyrir: Staðfesta, fórnfýsi, hugrekki og réttlæti. Draumur Freyju er samfélag á mismununar. Sjálf gerði það sem hún átti ekki að geta og tókst að sigrast á fordómum allt um kring. Hún þorði að eiga sér drauma og nýta fötlun sína öðrum til góðs. Þess vegna er fötlun forréttindi. Freyja er óvænt hetja á skjön við hefðina. „Ég fæddist inn í heim sem gerir engan veginn ráð fyrir mér …“ segir Freyja sem brýtur glansmyndir og verður hamingjusöm með því að taka að sér þýðingarmikið hlutverk í samfélaginu.

- Gunnar Hersveinn, Morgunblaðinu

Nýjustu færslur

Eldri færslur

Bloggvinir

7.10.2007 | 21:49

Það var brjálað að gera hjá okkur Freyju um helgina. Við höfum meira og minna verið saman frá því á laugardagsmorgun að fara yfir handritið. Við tókum okkur rétt svo pásu til að borða kvöldmat í gærkvöldi en héldum svo áfram fram yfir miðnætti. Þá fórum við hugsa um útvarpsþáttinn í morgun, en Freyja var viðmælandi Valdísar á Bylgjunni. Á leiðinni í viðtalið í morgun fékk Freyja svo hryllilega í bakið að hún vissi ekki hvaðan á sig stóð veðrið. Tímasetningin var náttúrulega alveg einstök þar sem aðeins voru nokkrar mínútur í að Freyja átti að vera í loftinu, en sem betur fer leið verkurinn hjá og hún gat andað léttar þegar hún mætti í hljóðverið. Stíf vinna við tölvuna undanfarið hefur líklega átt sinn þátt í þessu en fartölvurnar eru nánast orðnar samgrónar við hendurnar á okkur. Freyja stóð sig frábærlega í viðtalinu eins og hennar er von og vísa, en þetta var hvorki meira né minna en tveggja og hálfs tíma þáttur. Við þökkum þeim sem hlustuðu á viðtalið og vonum að þeir hafi notið vel, en við munum setja link inn á heimasíðu bylgjunnar innan skamms, þar sem hægt verður að hlusta á viðtalið í fullri lengd.

Bestu kveðjur, Alma

Flokkur: Bloggar | Facebook

Athugasemdir

Hæhó, annaðhvort er ég blind inná bylgjan.is eða það er ekki búið að setja viðtalið inn ;) Ég kíki aftur á morgun og sé hvort ég finn þetta, voða spennt að hlusta á viðtalið. Því miður er ekki ennþá neitt að frétta frá Bristol og ég er að verða gaaaaagaaaa... Knús og gangi ykkur vel með allt :) Rannveig

Rannveig Magnúsdóttir (IP-tala skráð) 7.10.2007 kl. 22:35

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Postulín

Efni